အချိန်စက်ဝန်းပေါ်က မောင့်မေတ္တာတွေ 🍃

couple

Episode -16

ရာဇ်တို့ကို ဖိတ်တဲ့အိမ်ကို ​ရောက်သွားချိန်က ညနေစာ စားချိန်ကွက်တိဖြစ်သည်။
ဒါကြောင့် ရောက်ပြီးမနားပဲ တန်းဝင်စားလိုက်တယ် ဆိုပါတော့။

ထိုအိမ်ရဲ့အသည်းကျော်မင်းသားကတော့ သင်္ခါမင်းမောင်မို့လို့ ရာဇ်ရောရွှေရေးနွယ်ရော အနေခက်ခြင်းဘာညာမရှိကြ။

အနေခက်သည်ကတော့ သင်္ခါမင်းမောင်ရယ်ပါ။
ညနေ ကျောင်းကပြန်ရောက်ချင်း အပြင်ခိုးထွက်မလို့လုပ်နေတုန်း ကိုကြီးရဲ့ပြတ်သားတဲ့ ရာဇာသံ​ကြောင့် အိမ်မှာအောင်းနေရသည်။
အ​ကြောင်းကတော့ ဧည့်သည်တွေ အိမ်လာမယ်ဆို၍လေ။

မာတာမိခင်ကလည်း မကြည်ကြည့်နှင့်တားသည်။
ဒယ်ဒီဖားသားကလည်း မျက်မှန်ကြီးအောက် မျက်လုံးဝင်းဝင်းကြီးတွေနှင့်တားသည်။

ထိုတားနည်းမျိုးစုံကို သင်္ခါလက်မတွန့်။
သင်္ခါရှေ့ထိုင်နေသော ကိုကြီးကိုတော့ ကြောက်သည်။
ဒါကြောင့်လက်မတွန့်ချင်လည်း တွန့်ရသည်။
​ခြေမတွန့်ချင်ရင်လည်း တွန့်ရသည်။

အိမ်ရဲ့ အိမ်ထောင်ဦးစီးက အကိုကြီးလေ...။
အကိုကြီးကြောင့် ရာဇ်နဲ့တွေ့ခွင့်ရတာကိုကျေးဇူးတင်သည်။
ရာဇ်ကို သဘောကျသလိုမျက်လုံးကြီးတွေနှင့်ကြည့်တတ်သော ကိုကြီးကိုတော့ မကြိုက်ပါ။နည်းနည်းမှ မကြိုက်ပါ။

''ညီမလေးဧကရာဇ်နွယ်နဲ့ ဒီကညီမလေး ထည့်စားနော် အားမနာနဲ့''

စီးပွားရေးရှင်ပီပီအကွက်ကျော်မြင်တတ်ကာ လက်ရဲဇက်ရဲ ခုဆို ပါးစပ်ပါရဲနေသော အကိုကြီးက လော်ကွပ်ပြုသည်။
ဟော...ရွှေရေးနွယ်ကို မကောင်းတတ်လို့လောကွပ်ပြုနေမှန်းလည်းသင်္ခါသိသည်။

ပုံမှန်ဆို သူလိုချင်တာကိုသာ အာရုံစိုက်တတ်သော သူက ဘေးနားကလူတွေကိုပါ ဂရုစိုက်နေသည်။ အကိုကြီးက ရာဇ်ကိုတော်​တော်သဘောတွေ့သွားလို့ဖြစ်သည်။

ဘုရား...ဘုရား ဒီလူရှုပ်လက်ထဲကို အဝါလုံးလေးအား သင်္ခါထည့်မပေးနိုင်ပါ။
ညီအစ်ကိုနှစ်ယောက် ထသတ်ရမယ်ဆိုရင်တောင် ကိုကြီးကိုအရှုံးခံမည်မဟုတ်။