حتى إذا ما حركت سَهم الهوى
تلكَ العيونُ المرهفاتُ أمامي
أغدو كما يغدو الجريحُ مع الورى
ياويلَ حظِّي من سهام ِالرامي
لقائلها
بقلمي شذرة
ليال :يربي هذول شيريدون من عماد
عش يدوروله
سكتت مهره رجع سألها انوب
حسيتها جاوبت بخوف
مهره :شرايد منه
: اريد اخطبه دلينه على بيته الله يهداج
ديالا :مهره ختصرت الكلام
وما ناقشت كلامه المستفز
عبن الدنيا ضهريه ماكو احد
غير احنه الوحيدين عالفلكه
والا جان عرفت ترده
مهره :تطلع بهاذ الطريق
وأول بيت يلاگيك يمه بستان نخل
هاذ بيت الدرويش
بس محد موجود كلهم بالمستشفى
: مشكوره خيه وتعذرينه
ديالا :گالها وراح صعد السياره
يسولف ويه الرجال الجبير
ليال :اني اول مره اشوف سيارات هالكثر
بدون زفه كلها زلم وشكلهم مدري شلون
خفت گلبي راد يطلع من صدري
وخنگتني العبره اريد ابجي
كمشت ثوب مهره وبلوز ديالا
صديت ورايه ادحگ عالبزل
خفت اكثر دمعو عيوني
ما برد گلبي الا شفتهم
فترو بسيارتهم تايرجعون
احس روحي ردتلي
مشو تقريباً اربع سيارات
والخامسه من وصلت يمنه صار يمشي على كيفه
قريب عني مترين يدحگ عليه من فوگ لجوه
اسمراني شواربه مفتوله خفت من شكله
اول مره اشوف هيج شوارب
رفع تك حاجب رجع عگاله ليوره
وصفن عليه يبتسم
تغبيت بين ديالا ومهره وادحگ بتك عين
الي گاعد بصفه ندسه بمعنى امشي
مشى الرتل كله
رجعنه عالبيت بساع گلوبنه تطرد من الخوف
مهره فلت التلثومه گامت تفتر
وتفرك بأديها متعرف شتسوي
ديالا :مهره خاف هذول الي ضربو عماد
_جاوبت بتوتر
مهره :مدري مدري
ليال :گلبي وجعني كورت ايديني على صدري
گعدت بالگاع شگد خفت يربي
اذا همه الضربو عماد عش اجو شيريدون انوب
مهره :لا تحجن لأي بشر عالصار اليوم
ديالا :گنالها اي
اجت هاجر گالت لمهره تريد لهلها
صدت عليها وتخصرت
مهره :العفو منج وين تريدين
هاجر :اريد اروح لهلي
مهره :اي شكو بيها
بس اني حماتج مو زلمتج
عصمتج مو بيدي تا تشوريني
تريد تروحين هذاك الطريق
بس اني معليه اذا اجه محمد وما لگاج
أنت تقرأ
عرين الصياد
Actionقصة اجيال حقيقة% باللهجة العراقيه الدليميه بقلمي شذرة العدوان ذئبة عنيده ولدت من رحم الغدر والخيانة كانت لنفسها درعً حصين بنت لنفسها من ركام الحرب قلعة تعصف بها رياح القدر في عرين الصياد الذي لا مفر منه فهل ستكسر قضبان الأسر وتهرب من قبضة ا...
