ان الرجال جميعهم في كفة
…………………وسيد قلبي يسبق الابطال
سرق الوتين وضلع قلبي نبضه
……………..بجمال طرف هائم مغتال
ويغار ان نظر الفؤاد لغيره
……………..متعصبا….متحولا زلزال
هذا الذي ما اهديته عمرا مضى
…………..اهديه روحي واقعا وخيال
عرين الصياد بقلمي شذرة
ديالا :تخبلو ربعنه من سمعو ابو نشمي
ما يريد الشيخه وانطاهه لعمي شعلان
فاتو الولد كلهم عالهول يرعدون اولهم شاكر
اول مره اشوفه يعترض على قرار الصياد
وانوب يعلي حسه
شاكر :تعذرني ابو نشمي هالنوبه اني مو وياك عمي شعلان ما يصلح يغدي شيخ
صياد : ضب السانك ابو صگر
نشمي : بوجود جدي انته جنت الشيخ وشباب العشيره كلها وياك وتريدك دحجلهم ولا واحد بيهم يريد جدي شعلان
عزت : اني ما انجر عمي شعلان سبع وذكي بس كلنه ندري بي مغرور ويحب المناصب
عرب : اخوي ولد العمام كلها بره يريدونك تطلع عليهم.
اترجاك لا تعجل بقرارك انته الشيخ
ومحد يصير بمجانك
ديالا : همه يحجون وصياد منطيهم ضهره وجاتف ادينه وراه صد عليهم نص التفاته وخازرهم
صياد :ما اصلح شيخ وحجي زايد لحد يجثر
ديالا : گالها صياد وطلع والولد تخبلو يرجدون بروحهم حتارو شيسون راح صياد ولبس عمي شعلان العباة ونصبه شيخ محد من ولد العمام رضه كلها زعلت وشاكر عوزه يبجي من القهر الي شاله
جوانه : شلون عمي انطا گلبه يفرط بالشيخه
والله محد غيره يستاهلها
ليال : اني ليش ضجت ليش
ما ادري احس گلب صياد ينزف من قهره
ختنگت وصعدت لحجرتي بجيت الا فحيت ما ادري شبيه وليش ضايجه على صياد
فات عالحجره شافني ابجي
عگد حواجبه وحجه
صياد : شبلاج يابه عليش تبجين
ليال : گمت مسحت دموعي ودنگت… هيج لحالي
صياد :خلصت مواضيعج گمتي تبجين لحالج ارحمي عيونج كثر البجي ماهو زين
ليال : گالها وفتح الكنتور مدري شيدور
جتفت اديني وحجيت… عش ما صرت انته شيخ
صد عليه نص التفاته وهو لازم باب الكنتور
صياد : الشيخ يريد واحد ما عنده هم ولا وجع بگلبه
ليال : گالها وطلع اوارق
وگام يفتر ويقرا واني وراه افتر
صد عليه ورافع حواجبه
أنت تقرأ
عرين الصياد
Actionقصة اجيال حقيقة% باللهجة العراقيه الدليميه بقلمي شذرة العدوان ذئبة عنيده ولدت من رحم الغدر والخيانة كانت لنفسها درعً حصين بنت لنفسها من ركام الحرب قلعة تعصف بها رياح القدر في عرين الصياد الذي لا مفر منه فهل ستكسر قضبان الأسر وتهرب من قبضة ا...
