الصياد
ياأيها الحرف يا أنغام قافيتي
رفقا بقلبي فقلبي عاشق خَجِلُ
لا تسألوني اذا ماكنت اعشقها
سلوا الدموع من العينين تنهمل
سلوا حروفي سلوا حبري ومحبرتي
تنبيكمُ أنني من كأسها ثمل
هل لي برشفة شهد إن ظفرت بها
هل لي بزخة حبر دونها يصل
ماذا احدثكم عنها وقد سحرت
قلبي وروحي وعقلي هذه المقل
هي القتيلة هذا السحر قاتلها
وهي الجميلة للخدين أمتثل
حوراء بيضاء ممشوقة القوام وما
تحتاج وصف لهذا الحسن يارجل
عرين الصياد بقلمي شذرة
صياد : ابو علي مو وكت تندب حظك وتنحب مثل النسواين لا يخوي استوعب وفكر شلون اتلافه بيتك ما ينهجم
عماد : شظل منه ما نهجم ابو نشمي
عايلتي تهجولت والبيت مو هاذ گدامك وارينه مخلينه فحم ما مخلين شي وما مسلبينه وهسع راح نتدير تعب ابويه من سنين وتعبنه كله راح
صياد : ما يروح شي ابو علي هينه ورت البيت يترمم بحيل الله شبر من املاكك ما اخلي يروح كلشي يرجع
عماد : شلون ما يروح ابو نشمي هو شظل وما اخذو
صياد : ول يابه كافي تنحب شبلاك بس دحج عليه واسمعني انتو شعدكم املاك غير البيت
عماد : عدنه المزرعة والحداده مالتي ونجارة حميد والصيدله مال محمد الله يرحمه وعدنه حلال موزعينه عالناس بالنص وعدنه خمس خيول وكلهن ماخذينهن
صياد : خوش الله يزيدكم وهسع يرجعونهن وهمه الممنونين
عماد : شلون يرجعونهن ابو نشمي
صياد : يرجعن من يصيرن ملكي
عماد :گالها وهو يسحب دخان الجگاره .. ظليت صافن وما حجيت
صياد : مو وكت صفنتك يخويي
بيعني كلشي تملكه ويتسجل بأسمي وتشوف شلون ما ترجع املاكك ما يحتاج تفكر جثير املاكك تظل عندي امانة لحد ما الله يفرجها عليك وترجع تنور ديرتك
وبالمقابل انطيك بيتي الي بمدينة بروانه هاذ البيت محد يندله غير اهلي تاخذ اهلك وتسكن غادي
اني ادري بعزة نفسك ما ترضاهه تگعد ابيتي هين ويه اهلي وبدون ما تحرج نفسك وتطلب اني راح اوديك بنفسي
والله لو تظل يمي طول عمرك اعتبرك راعي البيت واني ضيفك و اخليك على راسي
بس ما تفعل اعرفك ابو علي عزيز النفس
أنت تقرأ
عرين الصياد
Actionقصة اجيال حقيقة% باللهجة العراقيه الدليميه بقلمي شذرة العدوان ذئبة عنيده ولدت من رحم الغدر والخيانة كانت لنفسها درعً حصين بنت لنفسها من ركام الحرب قلعة تعصف بها رياح القدر في عرين الصياد الذي لا مفر منه فهل ستكسر قضبان الأسر وتهرب من قبضة ا...
