فإن كان بين الأحبّة شوقٌ
فقولي لشوقي ألا فاصطبر
فلا صبر يُطفئ نار اشتياقي
إذا ما رأى الصّبر حالي اعتذر
عرين الصياد بقلمي شذرة
ديالا : گاعده اصب الجاي وعيني على ابو نشمي تصرفاته غريبه حاله متبدل حاط المخده بحضنه ويمسد فوگ حواجبه باصابعه السبابة والأبهام
شارد وباله مو يمنه
شاكر والولد يحجون ويا وما يسمعهم ولا يمهم
هوه من كيفه انتبه على روحه من شافهم يدحگون علي استغفر وطلع بره يدخن
كلها استغربت حاله بس محد يگدر يسأله
اذا مو هو يحجي
اخذ فتره بره يفتر ويدخن
وجان يفوت گعد وياهم وگام يسأل شكو وشعدهم
حجوله عن الطلبه الي صايره راح بدل وطلع وياهم
الضاهر بلش موسم الطلايب
تأخرو حيل ما اجو لنص الليل
وعلگانه بينهم شاكر گال ابو نشمي لايصهم لوص وضارب زلم ثنين وهسع ماكو مجال للصلح الا يطب طرف ثالث
نمت واني ادعي ربي يسترنه
ثاني يوم گعدت بنشاط جان على بالي اطلب من شاكر يوديني اشوف ليال شتريتلها ملابس هيه وجهالها واريد اخذلها مصرف
ظل بالي يمهم شلون دبرت حالها من بعد ما ورو المحلات والولد بركات وسعد انخطفو
كملت شغلي ورحت اخيط ويه الشيخه بحجرة الشغل الهي روحي لبين ما يجي شاكر من اظل وحدي يذبحني التفكير
فات ابو نشمي جاتف ادينه وراه صرت اعرفه ما يرجع من شغله بهيج وكت اذا مو عنده شي شاغل باله
صياد : عسا لا شافت اديجن الهم
خزامي : امين يا بعد گلبي تعال تگلط يمي
ديالا : اجه گعد يمها تك ركبه
دحگت عليه الشيخه وحجت
خزامي : روحي نادي اخيتج وتعاي
ديالا : گمت بدون ما اسأل ورحت ناديت جوانه واجينه ثنينه گعدنه گبالهم وحده ادحگ على وحده ما ندري شكو طلع صياد وگام يفتر بره وگامت الشيخه تحجي
خزامي : اسمعن يبنيات بدون ما اطولها عليجن
كلنه ندري عمة ليال وحده حاره وظالمه ما تحب اختجن ولا تريدها وسوت بيها الفاعيل
ديالا : سكتت الشيخه فتره وهيه اتنهد
خزامي : هاي المره ما تستحي ولا تخاف ربها
ظلمت ليال وطعنت بيها بوجود رجلها وما رفلها جفن
وهسع ترملت والجتال اخوجن مو بعيده تروح تحط بيها الف لوله لو دربيلها زلمه على حجرة ليال
وانوب اخوجن عماد الله يسامحه جدام شكحه تبره من ليال شكحه اطگلها اصبع يمه استفردت بيها وبعد ما تاكل هم احد عسما تذبحها وتاكلها معد تخاف
ومناك شاده ضهرها بربعهم الي صارو بالحكومه
الحاصل يمه هذاك البيت ما يوالم ليال ولا من صالحها هيه عايشه ويه حيه والعياذ بالله
ما يحتاج اشرح عليها انتن تعرفنها اكثر مني
أنت تقرأ
عرين الصياد
حركة (أكشن)قصة اجيال حقيقة% باللهجة العراقيه الدليميه بقلمي شذرة العدوان ذئبة عنيده ولدت من رحم الغدر والخيانة كانت لنفسها درعً حصين بنت لنفسها من ركام الحرب قلعة تعصف بها رياح القدر في عرين الصياد الذي لا مفر منه فهل ستكسر قضبان الأسر وتهرب من قبضة ا...
