أن الجراح اذا خبئتها شفيت
فكتم جراحك لا تخبر بها احدا
كم من كليم شكى للناس لوعتهُ
فزاده الناس وجداً فوق ما وجدا
لقائلها
عرين الصياد بقلمي شذرة
ديالا : وين مولي جاهد اگعد هين لا تزودها انته علينه
جاهد : شلون اگعد هين وليال ظلت غادي يم الي ما عدهم مخافة الله
ديالا : راح ابو نشمي عليها هو يكفي ويوفي
جاهد : يعني بالله عليج هاي مو منجده
يروح ابو نشمي واني اخوها اظل هين
ديالا : مگدر اخليك تروح اترجاك اگعد شاكر بلغني اذا تطلع يرجع عليه اني
جاهد : راااح اموت من القهر يا ديالا
من اظل هين اطگ واموت شنهي تريد تسجنوني نشمي واگفلي عالباب وانتي هييين
ديالا : نصي حسك امانه وهدئ اعصابك ما مليت من البارحه فاحط مو زين عليك
جاهد : لا ما امل اريد اروح ادور لحميد وعماد
اترجاج وخري عن دربي
ديالا : راح شاكر يدورلهم بس اهدئ يمعود مو صوتك انتهى
جاهد : لا تخبلينييي شنهو فايدتي زلمه اذا رجلج وحماج طايرين بطلايبنه
ديالا : همه يريدون هيج اني ما گلت لحد
جاهد اترجاك ما عدنه غيرك هسع منهو يگول حميد وعماد يطلعون منها سالمين
خلينه نطلع بيك لا تقهرنيي ما ظل عدنه هسع بس انته كافي حمستني
يربي شلون بي هاذ گام يصيح الا التمو علي الولد وشاله نشمي شيل اخذه يهدئ بي
منين ما ادحگ قهر وضيم شحالكم يا حميد وعماد شحالج يا ليال اوف يگلبي شتحمل تا تحمل
سعاد : دثرت ليال وطلعت
لگيت صياد لازم واحد من ياخته ويصيح علي جان يريد يفوت لبيتنا ياخذ ليال
صياد : وين تريد تفوت هااا هاذ بيت بنت عمي قسم بالله الي تخطي رجله هاذ الممشى الا اكسرها
وازين شاربه
ــ انته شجايبك علينه احنه وبيت الملا انته شعليك
صياد : اني الملا واني عماد واني حمييد
يالله تعالو الزلمه بيكم يواجهني لو بس گدرتكم عالنساوين الضعيفه
هاذ اني جدامك اعتبرني حميد يالله تعالو اخذو ثاركم مني اخاف تگولون مستگوي بالسلاح الي عنده هاذ اخر شاجور عندي رميته يالله منهو بيكم يجي
سعاد : شال صياد الرشاش فارغه ويفتر بنصهم وفاتح صدره
ويريد احد يواجهه وهذول بس فالحين يناطلون بالحجي ظل متگاضب وياهم ما انطه احد مجال
أنت تقرأ
عرين الصياد
حركة (أكشن)قصة اجيال حقيقة% باللهجة العراقيه الدليميه بقلمي شذرة العدوان ذئبة عنيده ولدت من رحم الغدر والخيانة كانت لنفسها درعً حصين بنت لنفسها من ركام الحرب قلعة تعصف بها رياح القدر في عرين الصياد الذي لا مفر منه فهل ستكسر قضبان الأسر وتهرب من قبضة ا...
