مشوا وأستغربت روحي
حزنهه شماله ظل ينشاف
وعرفتلهه ولگيت ألعين
من تفكد عزيز تخاف
عرين الصياد بقلمي شذرة
سعاد :واگفه احوش باميه
زارعينها مشترك بين بيتنا وبيت اهل صائب
اجه ماجد يمشي سريع ومكيف
عكس گبل شوي حدر من دوامه متعصب
فات على بيتهم ماكو دقائق وتصير الهوسه
وهالمره الصوت عالي
وحت صائب اسمعه يحجي
استمر العياط وزاد حيل
اسمع صوت تكسير ونسوان تصيح
هديت السله من ايدي ورحت ركض انادي غازي
وحمايه طبيت عليهم گلتلهم بيت صائب مدري شجرالهم صوت صريخ وتكسير
طلعو ركض وعمتي وياهم راحت ظليت بالطرمه اعصر بأديني واگرط اضافري اني مراهمه عالكوان عبن اخواني ولد عمي جانو يوميه مسويلنه طلبه
بس من جيت هين راهمت عالهدوء
ما فد يوم صارت مشكله
خاصة ابيت صائب جانو
حيل هادئين بس بهالفتره كثرانه طلايبهم
مستمره الوب وافز على صوت الصريخ
محد اتحمل ساگتني رجليه ورحتلهم
اول ما طبيت الصاله شفت ماجد
يمه مثل الثور الهايج يكسر بالبيت ويغلط ويسب
وصائب لازمينه غازي وحمايه
ويتهدد على ماجد
اريد افتهم شكو شجرالهم مجان الهم حس
صائب : يول حقير نذل ابو النسوااان ما لگيت غير هاي الجاهل تحط عينك عليها يول گحط گح****** يا نذل يا دني النفس
ماجد : اني مو نذل ولا نفسي دنيه
اني احبها احبهااا واريدها بالحلال
شكو بيها وين الغلط فهمنيييي
صائب :اگله جاهل يگوول احبهااا
انته شنهو من بشر
تريد تعبرها عليه ابو النسوان
حب شنهي ما تگدر تگول نفسي دنيه مااا تگدر
ماجد : فكر الي تفكره ما يهمني
هيه راضيه واهلها راضين
انته شكوو فهمني شعلييك حاشر روحك
صائب : يول شلون شعليه شلووون
ناس مأمنه بينه فوتونه بيتهم وگعدنه بحجرهم وامنونه على بنواتهم واسرارهم
وتجي انته بكل نفس دنيه
تخون الأمانه حقييير
ماجد :ما خنت ولا امانه لو ادور مكسرات جان سويت الي اريده بدون ما افضح نفسي
البنيه احبها اعشگها واريد اخذها بالحلال
ترضه لو ما ترضه رئيكم ما يهمني
ما جيت اشوركم جيت اخبركم
تروحون ويايه اخطب خير على خير
ما تروحون عندي رجلين
امشي وحدي اخطب لنفسي
صائب : يول اصحه على روحك
.لا تفشلنه ويا الناس
انته شلون تحط عينك بعين عماد وحميد شلووون
انوب تراب ابوهم بعده اخضر
شجرااالك يا دني النفس
أنت تقرأ
عرين الصياد
Actionقصة اجيال حقيقة% باللهجة العراقيه الدليميه بقلمي شذرة العدوان ذئبة عنيده ولدت من رحم الغدر والخيانة كانت لنفسها درعً حصين بنت لنفسها من ركام الحرب قلعة تعصف بها رياح القدر في عرين الصياد الذي لا مفر منه فهل ستكسر قضبان الأسر وتهرب من قبضة ا...
