الشراره
يا ليتها أدَّتْ زكاةَ جَمالها
لفقيرِ حيٍّ بالغرامِ مُصابا
لي مِنْ شِفاهِ العابرينَ بشاشةً
يا مَنْ بلغتِ مِنَ الجَمالِ نِصَابا
في عينها الزيتونُ ألقى سِرَّهُ
والثغرُ بالتوتِ المُعتَّقِ ذابا
وبوجنتيها الشّمسُ ألقتْ نورَها
لتكونَ للصّبِ السقيــــمِ عِقابا
لقائلها
عرين الصياد بقلمي شذرة
ديالا : من گتله ملامحك انثويه بارزه
طگها بضحكه عاليه الا غص
الجگاره وگعت من اثمه
وگفت ادحگله بغضب
هاذ شبي يتمضحك
ولا يگول بشر عدهم مصيبه
ضجت منه ولگحت الفرش بعصبيه
ماجد : والله مهره طلع حجيها مضبوط
ديالا :بنتر گتله علمود شنهو
طلع جگاره اخرى ورثها
مسح شواربه وگال
ماجد : مو شي صدي على شغلج
ديالا :تجاهلته هاذ مبين بطران
واني مالي خلگ نفسي
راح يتمشى ويفر بسبحته
ليال :كملنه الفرش ظلن المدات
درجناهن وما گدرنه نشيلهن حيل ثگال
كريمه :خن انادي ماجد يعاونه
ليال : لا لا دخيلج عود انادي سنان يعاوني
كريمه : لا ماجد يزعل
اذا انادي احد وهو موجود
ليال :عافتني وطلعت تنادي علوا ما يجي
گعدت عالكرسي فحانه گلبي يطرد
منالتعب عبن سحلت المدات وما گدرت
فات ماجد يمشي ويدحگ عليه
صد عالمدات وكنش
ماجد : هاذ شون لافاتهن يولن
كلهن عوج
ليال :شعليهن احنه راح نفتحهن بره
يتشمسن ونرجعهن
ماجد :خير ان شاء الله
ليال :دحگ على دشداشته ونفخ
ماجد :على حظي اليوم تصيرين لوحه
همزين شفت شغلات تستاهل التعب
وتترب دشداشتي
ليال :گالها ودحگلي يبتسم
شال الزوليه عبالك ريشه بأيده وطلعها
ديالا :انفتح الباب فاتت صبره تجمح
العبايه مالتها صايره رايه وراهه
والملفع ناصل
تمشي سريع وتحجي
صبره : اويلي منك عماد ابو المشاكل
اويلي منك جان انجتلو اليوم حميد ومحمد
من وراك ااخ منك يالطماع
على جم فلس جان راحو ولدي
أنت تقرأ
عرين الصياد
Acciónقصة اجيال حقيقة% باللهجة العراقيه الدليميه بقلمي شذرة العدوان ذئبة عنيده ولدت من رحم الغدر والخيانة كانت لنفسها درعً حصين بنت لنفسها من ركام الحرب قلعة تعصف بها رياح القدر في عرين الصياد الذي لا مفر منه فهل ستكسر قضبان الأسر وتهرب من قبضة ا...
