" ما بين سوء الفهم، وسوء التصرف وسوء الظن تلاشت أعمق العلاقات وظُلم أنقى الأشخاص”.
عرين الصياد ✍️بقلمي شذرة
امل :انبهتت ادحگله اريد استوعب
يعني حامد طلع وره هالصگعه
لا تگولها عرفو جان يريد بمهره
صبره گامت تلطم وعمتي معاضد
تلوب يم عماد
صرخت ولطمت على وجهي
عاط بيه عماد بتعب
عماد : كافي امل الي بيه مكفيني صوتج منا الناس
امل :شلون بينه عماد شلون
بس فهمني شصار مو حيلي انهد
وين جنتو مختفين وشنهاي هاي حالتكم
ومنين عرفت صياد لزم حامد
عماد : احنه جنه محجوزين عد صياد كافي امل تعبان وروحي تريد تطلع
امل :گالها ومدد عالصبه لزم راسه
ظليت فاتحه اثمي اريد احجي بعد ما اگدر
گامت صبره تلطم وتصيح
تريد تعرف شكو
صبره : ول حميد سولف شصار وياكم
مو راح انجلط شوداكم عالصياد
حميد :جنت بالنجاره واجه عماد
تكاونه وفاككونه الوادم هجد كلشي فتت جوه
اسوي جاي لجم واحد ظلو يمي
وعماد جان گاعد بره طلعت شايل الجاي
وطبگن يمنه سيارتين ملثمين وشايلين سلاح
ارهنو الكل واخذونه بس اني وعماد شدو عيونه وجتفونه شگد ردنه نفتهم شكو محد حجه
الطريق طويل ومتعب السياره تشيلنه وترجدنه
تكسرنه تكسر عبالك نمشي على حجر
بعدين وگفو ونزلونه منها حطونه بمكان بس ما نشوف شي اخذو فتره وسمعت الباب نفتح
وشخص لزم راسي و شال الربطه عن عيوني
وعن عماد
دحگت علي جان واحد من الي اسرونه طويل وكتوفه عراض ولابس اسود من ساسه لراسه متلثم وحت عيونه حاطلهن فحام على جفونه وجوه عينه ما يبين منه شي ولابس جناد تارسه اسلحه عبالك جلاد
ادحگ حوالي نظرات خطف احنه بحجره مبنيه بلبن طين مسگوفه بجسور خشب و مفروشه بحصيره
وبيها فانوص مشتعل يضوي معلگ بالعامود صاير بنص الحجره
ماكو شباك بس طاگه زغيره ما تفوت البزون وحاطلها سيم ادحگ منها الدنيا ليل هندس
راح يمشي بثبات وخطواته ما الها صوت رغم ضخامته يسوي من عندي ثنين
واگف بالباب وناده ناوشوني الصينية
ناوشو الصينيه من الباب وجابها حطها گدامنه
طلع خنجر من الجناد وجان يگطع جتافنه
وگال
: تگلطو اكلو مزال الأجل حار
حميد : جان جايب مشاوي
راح گعد على صندقجه
بعيد عنه ويسولف
أنت تقرأ
عرين الصياد
Acţiuneقصة اجيال حقيقة% باللهجة العراقيه الدليميه بقلمي شذرة العدوان ذئبة عنيده ولدت من رحم الغدر والخيانة كانت لنفسها درعً حصين بنت لنفسها من ركام الحرب قلعة تعصف بها رياح القدر في عرين الصياد الذي لا مفر منه فهل ستكسر قضبان الأسر وتهرب من قبضة ا...
