يامن سرقتَ القلبَ مني خلسةً
في أي حقٍ تستحلُّ .. فؤادي
جسدي بوادٍ قد تركتهُ خاويًا
يرضيك ذلك والفؤادُ .. بوادي
لا تفخرنَّ بسلبِ قلبي غيلةً
الفخرُ طوعًا إن كسبت ..َ ودادي
إني على جسدٍ كئيبٍ مشفقٌ
وعليهِ حزنًا قد لبست .. سوادي
من جاء بالجسد السقيم معزيًا
اهلاً وسهلاً قد بدأت .. حدادي
إما عليَّ رددت قلبي مسرعًا
أو تأخذُ الإثنين دون عنادِ
عقلا وقلبًا قد عشقتكَ منيتي
وعليك في كل اللغات .. أنادي
روحي مع الإثنين خذها راضيا
لك ماتريدُ وأنت كلُّ ... مرادِ
عرين الصياد بقلمي شذرة
مواليد بعض الأبطال
صياد 1953
ليال 1969
ديالا 1966
جاهد 1971
جوانه 1974
عساف 1981
عمر وعثمان 1984
ديالا : گعدت منالصبح
تا اكمل شغلي من وكت اليوم اروح لهلي
البنوات گالن اصعدي هيري نفسج
احنه نلم السفره ونشتغل
وسلميلنه على اهلج
رحت اولم نفسي اني اصلا ما راح ابات
اخذت دشداشه وحده ابدل بيها يم اهلي وملفع
وشغلات خفيفه عبيتهن بعلاگه وحدرت
صعدت السياره تا نروح وجان يجي نشمي
ويمد راسه من الجامه
نشمي : وين تريدون
شاكر :وانته شعليك وين نريد
نشمي :عك الله گلي وين تريدون منالصباحيات
شاكر : اودي المراه لهلها وارجع
نشمي : عمي تاج راسي بعد گلبي وشرياني اخذني وياك
شاكر : بس وخر عني جنك الجاهل اسليمه اطمك
وين مهير روحك راح اودي المراه لهلها انته عش تروح شلون اخذك ويايه يالله فهمني
نشمي : ميخالف اخذوني عليكم الله
والله اگعد عاقل اريد انهزم من الصياد اليوم گاعدلنه يريدنه نتدرب
شاكر : يول وين تگعد عاقل جاهل انته
ومنين تنهزم من ابوك امشي ولي من وجهي
اني راح اذبها يم اهلها وارجع انگشر عني
نشمي : لا تگطربها (تصعبها ) اخذني عاد هوه اني بهالسياره ما شايلني على ضهرك وروح عمي مشعل اخذنييي
شاكر : استغفر الله يربي جريمه انته كبرت الصياد
الف يا حيف مگدر اخذك اذا ما تشور ابوك
أنت تقرأ
عرين الصياد
Actionقصة اجيال حقيقة% باللهجة العراقيه الدليميه بقلمي شذرة العدوان ذئبة عنيده ولدت من رحم الغدر والخيانة كانت لنفسها درعً حصين بنت لنفسها من ركام الحرب قلعة تعصف بها رياح القدر في عرين الصياد الذي لا مفر منه فهل ستكسر قضبان الأسر وتهرب من قبضة ا...
