تبدو عليكَ مِن الغرامِ أدِلّةٌ
وإخالُ أنكَ عاشقٌ مفتونُ
بُحْ بالذي تُخفيهِ من سِرِّ الهوى
كِتْمانُكَ الأشواقَ ليس يَكونُ
إن تُخْفِ سِرَّ هواكَ أو لم تُخْفِهِ
ستَنُمُّ عنكَ وعن هواكَ عيونُ
ما دام نبضُكَ في المحبةِ صادقاً
هيهات يَخْفَى سرُّكَ المكنونُ
لشاعرها
عرين الصياد بقلمي شذره
رؤياهم حق
……
امشي بطريق مجهول ادور اهلي وينهم مرعوبه اخاف اظل وحدي حت بالنهار شفت خيمه من بعيد رحت اركض عليها
فتحتها شفتهم اهلي كلهم عاتبتهم ليش عايفيني وحدي محد جاوبني دحگت عالخيمه جانت عباره عن بيت شعر دائري ومثبته بعامود واحد بالوسط ومشدوده من الطوارف
بس مرتاحين بيها وكلشي متوفر تعجبت رغم خيمه بس كلشي بيها فجاه وگع العامود والخيمه انهدت على روسنه صار ظلام ومعد اشوف احد ارتعبت اخاف من الظلام احاول اخلص روحي وانادي اهلي اسمع بس صوت صريخهم ظليت احاول اطلع ماكو انمدتلي ايد لزمتها وجان تجرني
طلعتني منالخيمه بس ما شفت الطلعني منهو
رجعت احاول ارفع الخيمه تا اطلع اهلي
طلعتلي منها حيه جبيره گامت تركض ورايه
لحد ما وصلتني بيت مهجور
فتت علي وختلت بحجره
گمت ارجع خطوات وره وادحگ عالباب
خاف تفوت الحيه ابجي وكاتمه صوتي
حضني شخص من وره صديت علي ما شفت وجهه جان ظلام دامس وبس الباب علي ضوء گالي اااش لا تخافين انتي يمي محد يأذيج حضنته وطمأنيت رتحت ونشال الخوف مني وهو يمسح على راسي غفيت ومن صحيت ما لگيته
سمعت صوت بالحجره التفتت ورايه
شفته ثعلب اسود هجم عليه
ليال :فزيت واني اصرخ يمااا يابااا وينكم
وحاطه اديني على وجهي حضنتني فاتن
تهدئ بيه فتحت عيوني استوعبت
هاذ حلم حضنت فاتن واشاهگ
خفت خوف مو طبيعي گلبي يطرد
يريد يطلع من صدري
گمت اتلمس وجهي واتخيل الثعلب بالحجره
اتلفت واختل بحضن فاتن
فاتن :اشش لا تخافين شفتي كابوس
گومي صلي الفجر مزال اذن
ليال :گمت واني خايفه ارجف
توضيت ورجعت عالحجره
فاتن گعدت ديالا تصلي ما فعلت تگعد
تگلبها منا تنام منا فرشنه المصلايه وصلينه
اني وفاتن
رجعت مددت بفراشي غطتني
وهيه فارشه بصفي وديالا منا
مخليني بالوسط دحگت مهره ماكو وينها
فاتن :مهره نايمه بحجرة ابويه
يالله نامي لا تفكرين بشي
ليال :حطيت راسي عالمخده
ودموعي تصب شلون ما افكر
ليش الصار ينسي
انوب هاذ الحلم رعبني بزياده
وشال النوم من عيني
ظليت اتگلب بافراشي وافز
سمعت الباب انفتح
أنت تقرأ
عرين الصياد
Actionقصة اجيال حقيقة% باللهجة العراقيه الدليميه بقلمي شذرة العدوان ذئبة عنيده ولدت من رحم الغدر والخيانة كانت لنفسها درعً حصين بنت لنفسها من ركام الحرب قلعة تعصف بها رياح القدر في عرين الصياد الذي لا مفر منه فهل ستكسر قضبان الأسر وتهرب من قبضة ا...
