رأيتُ الهلالَ ووجهَ الحبيب
فكانا هلالَينِ عند النَّظرْ
فلم أدرِ من حيرتي فيهما
هلالَ الدجى مِن هلال البشرْ
ولولا التورُّدُ في الوجنتين
وما راعني من سواد الشَّعَرْ
لكُنتُ أظن الهلالَ الحبيبَ
وكنتُ أظن الحبيب القمرْ
_ لقائلها
عرين الصياد بقلمي شذرة
سعاد : گاعده اغسل الهدوم بره يم التانكي
وسمعت صوت سياره طبگت يمنه گبل لا التفتت عرفته صياد محد يجي يتفگدني غيره
الله يطول بعمره
طلع غازي تنحره (تلگا)حدر صياد وتسالمو
نشفت اديني ورحت يمهم
السلام عليكم
الله حيو ابو النشمي زارتنه البركه
رد السلام وهو حاط ايده على صدره
صياد : وعليكم السلام ام ياسين البركه بيكم
شلونج يابه شعلومج
سعاد : الحمد لله بخير اسأل عليكم انتو شعلومكم
اهلي شلونهم
صياد : الحمد لله نزهي بالنصر
سعاد : عساكم دوم ان شاء الله
غازي : تفضل جوه ابو النشمي
صياد : بيتك عامر ان شاء الله مستطرق والله
سعاد : ظل غازي يحجي ويا
رحت جبتله مي ناوشته اخذه وهو مدنگ
صياد : عسا لا شافت اديج الهم
سعاد : امين وايدك ان شاء الله
ليال :واگفه امشط شعري وبالي يم ديالا
يربي شصار وياهه وابنها شحاله
طلع بالسلامه لو مات
حطيت ايدي على اثمي يمه دخيل الله
شنهي يموت لا يربي ان شاء الله يعيش
وينور حياتها
خن اروح اسأل سعاد بلكت الله اجاها خبر
ولو هيه مثلي ما تسمع شي اهلها ما عدهم تلفون
بس اگول بلكت الله
طلعت تاروح تهيرو ويايه الجهال
ناديت صائب عليهم تخوصر ويضحكلهم
صائب : وين تريدين
ليال : اريد على سعاد وهذول دفگو نفسهم ويايه
صائب : اخذيهم وياج عاد قابل رايحه لعرس هيه سعاد
ليال : مو اوادم هذول تا اخذهم يظلون متكاونين ويه جهال سعاد هاذ عمر مجلوب يكتل حت ياسين الي اكبر منه
ضحك صائب ودنگ يم عمر باسه
صائب : ابني السبع اكتلهم كلهم
ليال : والله خوش تعلوم هاي عود انته معلم
أنت تقرأ
عرين الصياد
Actionقصة اجيال حقيقة% باللهجة العراقيه الدليميه بقلمي شذرة العدوان ذئبة عنيده ولدت من رحم الغدر والخيانة كانت لنفسها درعً حصين بنت لنفسها من ركام الحرب قلعة تعصف بها رياح القدر في عرين الصياد الذي لا مفر منه فهل ستكسر قضبان الأسر وتهرب من قبضة ا...
