يـــــــبوب الدار ماكافــــــي ترابين
ابوي چواچ فــــــوگاه الترابين
يهل تنشـــــــد عــــلى حالي ترابـيــن
مازال عــــــــين ابوي غـــــــشاها التراب
عرين الصياد بقلمي شذره
امل : ما صدگنه نصل البيت ونرتاح
سممنه صياد بالقصة مالته
يادوب توني جست الگاع
وعماد مدد روحه لايبه
اجت ديالا تصيح تگول الحگو ليال
فزينه نتراكض ليگينها بحجرة عمي الدرويش
تهلس بشعرها
تلطم وتصيح وشاگه القميص
صريخها يرجف الگلب
لزمناها اني وعماد وفاتن
وهاي تشيل بروحها وتلطخ
ليال : ابوي مااااات صرت يتيمه مهره ماتت ومحمد مات اني وين جنت وييين شلون ماتو واني ماشفتهم ويين جنت اني وييين
امل :تخبلت نريد نكمشها معد نگدر
انفعلت ملخت روحها وگعت بالگاع وتهمس
ليال :هدوني اريد اموت روحييي
امل :گالتها وجان تفقد لا ايد ولا رجل
لون شفتها صار حبري
عماد گام يصيح عليها معد يعرف شيسوي
وفاتن انهد حيلها
عماد : هاي منهووو حجالها منهوو
فاتن : والله مدري اني حت ثوبي بدلته من گالتلي ديالا يالله طلعت
عماد : كلشي ضاع تعبي كله راح شسوي فهمونيييي
امل : كافي عماد اعصابك لا تنجلط ونحير بيك هيه اول وتالي راح تعرف
عماد : تعرف بس مو هيج يا امل مو هيج زعم گلت ماكو غير صائب نذبها براسه ويخبرها بطريقته هيه تهابه
امل : عماد كافي تصيح يالله نودي البنت عالدكتور شوفها ثلجت عبالك ميته
عماد : شيسويلها الدكتور شيسوي راحت البنت امل راحت بعد تعبنه كله راح ما سمعتي الشيخ شگال شگد وصانه ما نفززها ونصدمهاااا
يول اريد اعرف شلون عرفت ليال شلووووون
امل :راح يتخبل الزلمه يربي
شسوي هسع
ما اجه على بالي غير صائب
ادز علي يلحگنه
عطت بديالا تروحين بساع على سنان
خلي ينادي صائب امشي
ديالا :طلعت ركض ما رحت على سنان
گلت اروح بنفسي انادي استاذ صائب
اختصرت الطريق منالبستان
اركض بدون شعور وصلت الممشى مالهم
وانهد حيلي معد اگدر
ثنيت على رگبي وحطيت ايدي على گلبي
اريده يهجد
احاول انادي واصرخ ما اگدر
انگطع نفسي منالركض الي ركضته
المسافة حيل بعيده
تگطع الگلب شلون وصلت مدري
طلعت سعاد مرت غازي من بيتهم
شافتني واجت بساع كمشتني
أنت تقرأ
عرين الصياد
Actionقصة اجيال حقيقة% باللهجة العراقيه الدليميه بقلمي شذرة العدوان ذئبة عنيده ولدت من رحم الغدر والخيانة كانت لنفسها درعً حصين بنت لنفسها من ركام الحرب قلعة تعصف بها رياح القدر في عرين الصياد الذي لا مفر منه فهل ستكسر قضبان الأسر وتهرب من قبضة ا...
