✨الأستاذ والمزنزنة✨
🍦الجزء 56🍦
🦄منال برنيش🦄
ياسين:مهم الحاجة انا جيت ليوم بغيت نطلبم واحد الطلب الحاجة:مرحبا اولدي تفضل
ياسين:بنتي عزيزة عليها كنزة وجيت نطلب منك واش ممكن نهار الاحد تبدا تجي عندنا للدار تبقا معاها وفالعشية انا نرجعها
كنزة ضارت تسمرات وشافت فيه لحاجة تلفات معرفات باش تجاوبو ضارت لكنزة:نوضي اكنزة بنتي جيبي الصينية
كنزة محملاتش الحاجة هنا بغات تبقا وتسمع شنو غتقوليه ناضت وهي تلصق فيها اميرة:ديني معاك
كنزة:يلاه
هزاتها ومشاو للكوزينة حطاتها فوق البوطاجي وبدات تتقاد اتاي:اميرة انا عزيزة عليك
اميرة:اه نت زوينة
كنزة:نمشي معاك للدار؟
اميرة:اه اه عفاك عندي باربي نلعبو بيها انا ونت ونعطيها لك الا مشيتي معايا
كنزة بتاسمات:وااااخا
اميرة:كنزة تولي ماما وانا بنتك
كنزة تلفتات فيها مصدومة قربات لها شوية وسولاتها:علاش مال ماماك؟
اميرة ببرائة:ماما مشات وميمة تتقوليا ماماك خلاتك نت وباباك
كنزة محساتش حتى عنقاتها بحالها نفس الشي شافت اميرة نسخة صغيرة عليها باستها وهي تتبتاسم لها وعاودات عنقاتها
الحاجة:واولدي نت باينة فيك ولد الناس وصراحة لبنت باقية صغيرة باقة خاصها تقراا وتدير بزاف فحياتها
ياسين:عارف الحاجة انا مغنمنعها من والو راه هادشي كامل فكرت فيه
الحاجة تنهدات:مهم حتى نهضرو مع باها والله يدير لفيها لخير اولدي
ياسين:انشاءالله مهم الحاجة هي متعرف والو دابا
الحاجة: كون هاني
غير سكتات دخلات فيديها الصينية واميرة وراها هازة حلوة من بعد مشات جابت لحلوة وجات جلسات
الحاجة:مهم ابنتي تبغي تمشي مع الاستاد نهار الاحد تجلسي مع بنتو؟
كنزة دارت فيها الرزانة والتقالة وهي راه مين كانت عادية للكوزينة تطل عليها وتقولها بالاشارة قولي ليه اه
كنزة شافت فاميرة:نمشي معاك؟
اميرة:اه عفاك
كنزة شافت فيهم وهزات كتافها:واخا
بتاسم لها شوية وكبات الحاجة اتاي وبقاو كهضرو وتتسولو عليها واش تتقرا مزيان وهو تشكر فيها وهي مصايبها معالم بيهم غير هو وهي وسيدي ربي
✨الأستاذ والمزنزنة✨
🍦الجزء 57🍦
🦄منال برنيش🦄
الحاجة:دابا ابنتي هاد الاستاد كداير فلقسم
كنزة كتبرد ضفارها:قبيح
الحاجة:وتانا سايرة ندوي على طبيعتو يعني عينيه مكضوروش
كنزة شافت فيها:كيفاش اميمة
الحاجة:تمال راسك تقيل زعما واش ماشي زهواني
كنزة:لا لا ويلي اميمة شكتقولي
الحاجة:مهم انا جاني راجل مزيان غبغيت نطمن عليك كتر سيري هاد الاحد وشوفي الا عجبك الحال هو هداك معجبكش قولي ليه مبقيتش بغيت نمشي
كنزة تتحرك راسها باه وهي تتبرض فضفارها ولكن لفبىلها فبالها باغية تمشي متكرهش تبات خخ غمين سمعاتو قالها كانت غتنقز تقوليه نوض يلاه نمشيو غصدراتها الحاجة ناضت تطلع بقات لحاجة جالسة تتفكر
ياسين:انا الحاجة نجيك من اللخر انا جاي نطلب يد بنتك كنزة انا عارف بلي زربت وبغيتك نت لتهضري مع باباها ونطلاقا معاه انا من بعد
الحاجة تنهدات:وشغنقوليك نت دخلتي من لباب انا بنت بنتي نبغي لها لخير ونشوفها فرحانة ولكن كيف قلتي باها هو لعليه كلشي
ياسين:انا مستاعد نمشي عندو لكازا من بعد متهضري معاه انا مزربانش ولكن فضلت انني نقولها لكم دابا
الحاجة:ومقلتي عيب اولدي وانشاءالله يكون خير
ياسين:بالنسبة لكنزة بغيتها تديها فقرايتها متدهاش عليها فهادشي علاش الحاجة بغيت متعرف والو
تنهدات وهي تتفكر بصح شافتو وطلاقاتو السيد بعقلو مفيه ميتعاب ولكن لقضية انه ديجا مزوج ومطلق وعندو لبنت عرقلاتها شوية ومعرفاتش ردة الفعل ديال دريس شنو غادي يقول هزات تيليفون ودوزات النمرة وتسناتو حتى جاوبها:الو نسيبي دريس كداير
زويتينة:متأكدة هادشي علاش جا
كنزة:اه تمشي معايا؟
زويتينة:هي نت قلتيلو اه
كنزة:شبغيتي نقول لا واصلا اميرة لبغات
زوستينة:نت لبغيتي ولا اميرة غير قولي
كنزة:وصاف براكة من الطنز غتمشي معايا ضروري منمشيش بوحدي
زويتينة:لا لا اختي يشدنا الراس فالراس يجبج علينا التيو يملحنا اووهووي سيري غانت اختي
كنزة:خديجة انا داوية معاك بصح ونت مطلعاها عليا وعفاك باش يخليني منير لفاق وملقانيش غيبدا يخرا عليا
زويتينة:اجي حنا غتغنتميو داخلين مدرمين على مراتو للدار
كنزة شافت فيها:والله نسيت هاد لبلان ولكن بلاتي باش عرفناها غتكون
زويتينة:مهم غير علمتك باش متصدميش وصاف انمشي معاك لتولي مناتفة معاها تما تلقاو بعدا غشكون يفك
كنزة قلزات ليها:لقلبات عليا تلقاني
نهار جديد
كانت راجعة من بعد مجابت السخرة دازت من واحد الدرب خاوي عاد تخرج للحومة ديالهم غادية حتى تجرات من اللور تردخات مع الحيط حتى غوتات:بعدي منيي شبغيتي
سيمو:الزيتونة شحال وانا محلف عليك ليوم ندم دينمك
زويتينة:بعد مني ولا نديرلك الشوهة كترجل غير على لعيالات خوتك متتفنفنش حداهم
جمع معاهت بتصرفيقة حتى رعفها نزل عليها بالتصرفيق طعاير فيها محرشاه مو باش يمشي لها مزال متسرطات لها انها خرجات من عندهم ودوات على حقها
أنت تقرأ
الأستاذ والمزنزنة 1 🪅مكتملة🪅
Lãng mạn💎مكتملة💎 ❌حصرية على الواتباد ❌ كبيدات هانا جيت💝 🍦من عنوان قصتنا راه باين عربونها ههه بطلة جديدة وفكرة جديدة انشاءالله نتمنى تعجبكم وراااكم عاارفين سلعتي ههه😂 🍦بغيت تفاعلكم وكلامكم الزوبن حيت هو لكشجعني وكحفزني نزيد نكمل😘 🍦 قراءة ممتعة حبيبات...
