✨الأستاذ والمزنزنة✨ 🍦الجزء 12🍦 🦄منال برنيش🦄 بدات تتضحك وحتى كنزة بتاسمات فالاخير ضحكات تاهي من بعد مشاو غير وصلو حدا لباب ديال دار زويتينة وهي تخرج واحد خيتي قدهم فلعمر:هاديك لكحلة تكملي لمي من صباح ربي وهي تعيط عليك زويتينة:واخا واخا دغيا دارت سلمات على كنزة وطلعات قبل ديك خيتي متسد لباب سمعات كنزة صوت كغوت وكان متأكدة انهم كغوتو على زويتينة وكقولو لها "فين كنت ابنت لحرااام الخانزة" تنهدات وزادت وفضولها كياكلها شنو واقع وعلاش كغوتو عليها عادي الا خرجات واصلا غير فلحومة زادت بحالها وهي تتفكر دوزات ليل عادي وجا نهار جديد او اول يوم فلمدرسة بالنسبة لكنزة كانت غادية وتتحك فعينيها بغات تمشي معاها لحاجة ولكن بغات تمشي بوحدها حتى تتسمع سميتها مبغاتش تضور قالت يمكن غتخايلات حيت اصلا متتعرف حد لغيعيط لها مرة اخرى سمعات اسمها وهي ضور غير شافتها وقفات وبتاسمات كانت زويتينة جات عندها باستها:صباح لخير كصبحتي كنزة:صباح النور حمدالله ونت زويتينة:حمدالله عرفتي شحال وانا تنعيط ليك كنزة:والله حتى مشيتي لي من بالي بداي تجي عندي ولا انا نجي عندك ونمشيو بزوج زويتينة:اه صافي انا نجي عندك كنزة:صافي عرفتي لدابا مزال معرفتش شنو سميتك ههه زويتينة ضحكات:انا سميتي خديجة هههههه كنزة بتاسمات:متشرفين اخديجة تشادو ومشاو للمدرسة دوزات نص النهار الاول ومن بعد رجعات للدار هي وزويتينة فاش قربو للدار يلاه سلمات عليها وهي تخرج ديك خيتي ديال ديك نهار ولهي بنت عم زويتينة نطقات وهي غادة:عزية طلعي تلكمي لماما زويتينة:ها واخا واخا يلاه كنزة بسلاامة اختي طلعات تتجري وكنزة زادت لدارهم تاني نفس الموقف تعاود زعما تكون معايشاش مزياان معاهم شوف غير من الطريقة لتتهضر معاها بيها بنت عمها مبغاتش تسولها دابا حتى يولفو بعضياتهم مزيان مشات للدار تغدات وعاود رجعات للمدرسة هي وزويتينة دخلو جلسو كهضرو حتى تضرب السقيل كنزة طاح ليها لاطروس نزلات تجيبو وهل لتحت سمعات السلام دالاستاذ ناضت حطات لاطروسها فين كان ورجعات شعرها اللور وربعات يديها وهي تشوف شي لخلاها كانت غتسخف بالصدمة بدات تترمش عينيها ممتيقاش حكات عينيها زوج دلمرات لا لا لا ميمكنش هو اه هو الاستاد لكانت تترعد منو وتدخل لحصص كاملين لا لا لا ميمكنش فاقت من صدمتها وهي تتسمعو تقول:واش كاين شي حد جديد؟ هزات ساكها دغيا حطاتو فوق الطبلة وهي تتحلو وخشات راسها فيه مخبية وهي تتولول وتندب على زهرها تقالت الحرية ساعة جات عندو برجليها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
