الأستاذ والمزنزنة 1 🪅مكتملة🪅

الجزء 82 🪅

✨الأستاذ والمزنزنة✨
🍦الجزء 82🍦
🦄منال برنيش🦄
داز الوقت فلمدرسة كان خارج سبق هو الاول حتى يتسناها تخرج واقف قدام الطوموبيل حتى وقفات عليه
سارة:سلام
ياسين ضار عندها كامل:لباس
سارة:حمدالله كدايرة اميرة
ياسين:لباس عليها علاش مجيتيش عندها توحشاتك
سارة:كانت عندي شي خدمة برا لمغرب ويلاه رجعت
ياسين حرك راسو باه:مزيان
شافت فيه شادة دموعها مين وقفات:مبروك مدرتي
ياسين تنهد:الله يبارك فيك
سارة بصوت فيه لبكية:لهاد درجة تنسيت اياسين
خشا يديه فجيابو وبقى كشوف فيها حيت نفس الموضوع تدويو فيه ديما ودابا خاصها تفهم راسها تنفسات الصعداء ومسحات عينيها لغرغرات:كترت بزاف وكيف تتقولي لحاجة لامشات متترجعش تستاهل ماحسن اياسين
ياسين:حتى نت الله يسهل عليك مع ليفهمك
سارة بقات تتشوفيه عاد طلعات معاها حتى داتو مولاتو وتعرف ليه حيت راجل بمعنى الكلمة ولكن معرفاتش ليه وندامة مبقى عندها نفع مع وصلاتها تصدمات
كنزة:سلام
سارة مسحات عينيها دغيا وضارت مبتاسمة:سلام
كنزة مزال متحسسة من اخر مرة:كدايرة لباس عليك
سارة وهي مصدومة مكانتش متوقعة راه هي والطريقة لكان دافع عليها بيها داك النهار دابا اكدات لها:حمدالله مبروك عليكم والله يكمل بلخير
كنزة بتاسمات شوية:امين لينا وليك حتى نت
سارة:نتمنى سارة تكون مكديرش الصداع وممبرزطاكمش
كنزة:بلعكس اميرة بحال ختي
سارة قربات لها ونطقات:عفاك تهلاي ليا فبنتي الله يستر عليك غير صبري معاها راه مزال صغيرة
كتهضر وعينيها عمرو دموع تخلط عليها كلشي:عفاك مضربيهاش
قالتها وتفركعات بلبكى كنزة هنا قربات لها وعنقاتها وبدات تتواسيها وتسكتها:صافي متبكيش اميرة بحال ختي ربي لشاهد عليا ومرحبا بيك تجي تشوفيها فاي وقت
بعدات شوية وهي مبتاسمة وتتمسح دموعها:شكرا بزااف مبروك عليكم ياسين غنجي الاحد انشاءالله نشوفها
ياسين لبقا غير كشوف ملقا ميقول من الاول حرك راسه باه:مرحبا
سارة شافت فكنزة:بسلامة
كنزة بتاسمات:بسلامة
ضارت وهي غادية تتبكي فخاطرها ضارت طلعات فطوموبيلاتها وكسيرات وهي تتبكي لربي لخلقها تنهدات ضارت شافت فيه عارفة قصتهم عاود لها كلشي:بقات فيا والله
ياسين تنهد وبتاسم شوية وباسها فراسها وطلعو ومشاو

🌻بعد تلاتة اشهر🌻
كنزة تتغوت:وااااه وااااااع نجحت نجحت ههههههههه الحمداللله
زويتينة بدات تتفرفر:واااااتاانااااا ههههههه
تعاااااانقو كتغاوتو كيف كاع الناجحين شي كيبكي شي فرحان يحنقز ولكن بصح فرحة الباك مليها متيل
ياسين باسها فشعرها:مبروك احبيبة
كنزة بعدات عليه شوية:هادشي بسبابك تتعرفني زليجة فلماط نت لعاونتيني
ياسين:هانت قلتيها انا غير عاونت نت لدرتي كلشي
كنزة:ودابا كادو ديالي
ياسين غمزها:غنعرسو دابا
ضحكات بالجهد وحطات على صدرو وضور يدو على عنقها وباس لها يديها