الأستاذ والمزنزنة 1 🪅مكتملة🪅

الجزء 63 🪅

✨الأستاذ والمزنزنة✨
      🍦الجزء 63🍦
                                                     🦄منال برنيش🦄
ناضو سلمو عليها ورجعو جلسو مجموعين كهضرو
اميرة:كنزة يلاه نطلعو لعبو
كنزة:واخا
ياسين وقف:مهم انا انمشي نقضي شي غرض
ثرية:واخا اولدي طلعو ابنتي لفوق الا بغيتو
كنزة هزات اميرة:واخاا
طلعو وبقات غير ترية وياسين ضارت عندو قبل مايمشي:مزال معرفتش شكون هي اينا وحدة؟
ياسين:لسميتها كنزة الوليدة
ترية:اه صافي وانشاءالله يكون خير نت غتمشي عند باها دابا؟
ياسين شاف فالساعة:اه ايكون تتسنا مهم الوليدة راك عارفة
ترية حركات راسها باه:تكون غير بنت الناس وتهلا فاميرة نحطوها فعينينا
ياسين:عرفت اشنو ختاريت الوليدة
ترية:وانشاءالله ربي ميخيبكش الله يرضي عليك
باس لها راسها ومشى وهي بقات جالسة تتفكر علمها وعاود لها لبلان كامل وقالها تجي تشوفها وتعامل عاادي حيت هي مزال مفراسهاش مبغاش يتسرع حتى يشوف ردة فعل باها
كنزة:خلينا لماعن مسرحين وطلعنا
زويتينة:اه ويييلي
كنزة:بقاي معاها اخديجة انا جااية
زويتينة:واخاا
اميرة:غتمشي؟
كنزة:لا احبيبة انا جاية هاهي خديجة معااك
اميرة:واخا(عطات لزويتينة مونيكة)هاكي ضفري ليها
زويتينة:واخااا
مشات نزلات لقاتها جالسة وسااهية قربات عندها شوية:خالتي
ترية ضارت:نعام ابنتي مالك
كنزة وهي مبتاسمة:جيت نجمع الطبلة
ترية ستغربات:ها نعام؟
كنزة:قلتليك اخالتي نزلت باش نجمع الطبلة فين هي لكوزينة
ترية وقفات:راهيا
بتاسمات لها كنزة مشات هزات السينية ومشات للكوزينة بقات تتشوف فيها ترية متبعاها جاتها غريبة قدها ميدخلش للكوزينة بقا غايجي يقولك فين هي تتفكر وتلاقي وهي معارفاش راه لقدامها كانت هازة عائلة وشادة بلاصة ماماها
ترية:نمشي نشوف واش تتشبه للموصيبة لاولى ولا لا
مشات تبعاتها تشوف شغلها وتعبرها وتشوفها واش غير داوية ولا عندها متقول
زويتينة:خالتي فين كنزة؟
ترية:راه هي ابنتي فالكوزينة
مشات عندها لقات حاطة لخضرة وتتنقي فيها:ويلي عيطي لي نعاونك
كنزة:صاف ساليت
زويتينة ضحكات وهي ضور لها كنزة:مالك؟
زويتينة:تخايلتك مزوجة بالاستاذ وجالسة تنصبي ليه فالغدا