✨الأستاذ والمزنزنة✨
🍦الجزء 10🍦
🦄منال برنيش🦄
يضاربو يبقاو خوووت دم وااحد وكيف كقول المثل يدك منك واخا تكون مجداامة
تكسلات وشافت فجنابها الناس بداو كنزلو نزلات ورا جداها ودريس لجا معاها حتى يقيدها فلمدرسة عاد يمشي وقفو يتسناو يعطيوهم سيكانهم خداوهم من بعد شدو طاكسي ومشاو وهو غادي وهي تتشوف المدينة الجديدة المدينة لحمراء مراكش مدينة الضحك والتقشاب وسبعة رجااال(تحية لمراكشيات💝) حاضية لغادي ولجااي ولبنات قدها فوق السنطروا وصلو للحومة ودخلو تتسمع الضحك لاعيالات لا رجال وعلاش لا وهي جات لبلاصة البهجة وبهجاوا هكا باش معروفين الضحك والتقشاب نعام اسي ههه دخلو للدار لعبارة على رياض صغير تاع جدها بات مها الله يرحمهم بحكم ان ماماها مراكشية دخلات نيشان للنافورة تتخشي يدها فلما وترش على وجها وتبتاسم جات ليها فبالها لحظة من طفولتها
أمينة:اويلي شهاد الحالة درتي فحوايجك
كنزة تتلعب فلما:خليني اماما غير شوية عفااك
ورشات عليها شوية دالما بتاسمات امينة وهزاتها وداتها تبدل لها فاقت من سهوتها وحسات بعويناتها غرغرو دغيا دوزات عليهم ومشات تجلس مع الحاجة ودريس
نهار جديد
دريس:ايوا ابنتي لمدرسة هانت تقيدتي وراه قريبة هاحنا غنعاودو ندوزو من نفس الطريق باش متلفيش
كنزة:واخا ابا صافي عقلت عليها
غادية معاه وشادة فيه وشادة لاباني شراه ليها وهو كوصي فيها ترد لبال ومتهضرش مع اي واحد ومتاكلش من عند لبنات الا مقراتش ترجع للدار وتسخر للحاجة وتسمع لها كوصي ويعاود وعلاش لا هي لعندو بنية وخااايف عليها فيه الاب والام ديالها هكدا معاها ممخليها مخصوصة من والو وهو بطبعو هكا حتى من معارفو كشهدو فيه رجل طيب هادئ داخل سوق راسو متجبد حد ميدخل وسط صداع همو الوحيد ولادو وخدمتو من بعد وفاة المرحومة معاودشي تزوج بل كرس حياتو لولادو وهادشي بشهادة كاع لكعرفوه والناس دلحومة فاش كانو لولاد صغار يصوكهم كاملين للمدرسة يديهم ويجيبهم وهاز كنزة فيديه ماماها فاش توفات لكبير فلولاد خلات عندو 15عام وصغيرة لهي كنزة خلات عندها 5سنين ودريس خدم فبلاصتها وكان ولازال نعم الأب لكنزة ولولادو(الله يخلي لكل وحدة باباها ولمات الله يرحمو فهاد الليلة❤)
كنزة:وصافي ابا كون هاااني متخافش
دريس:وراني غتنوصيك هكنييزة اه ومتدابزيش مع لبنات
كنزة:وصافي ابا متخافش صافي
دريس:الله يرضي عليك اجي ناخدو واحد كيلو دلحم
أنت تقرأ
الأستاذ والمزنزنة 1 🪅مكتملة🪅
Romance💎مكتملة💎 ❌حصرية على الواتباد ❌ كبيدات هانا جيت💝 🍦من عنوان قصتنا راه باين عربونها ههه بطلة جديدة وفكرة جديدة انشاءالله نتمنى تعجبكم وراااكم عاارفين سلعتي ههه😂 🍦بغيت تفاعلكم وكلامكم الزوبن حيت هو لكشجعني وكحفزني نزيد نكمل😘 🍦 قراءة ممتعة حبيبات...
