الأستاذ والمزنزنة 1 🪅مكتملة🪅

الجزء 17 🪅

✨الأستاذ والمزنزنة✨
      🍦الجزء 17🍦
                                                     🦄منال برنيش🦄
كنزة:غسولتها والله ياك اختي غسولتك
ياسين كنعت لها فالطاولة لقدام:اجي اجي هنا حدايا اجي
كنزة الا لقدام كحلات بلعمى:لا لا عفاك والله مغنبقى نهضر عفاك
ياسين خنزر فيها وزاد أكد عليها:قلت لك اجي
كنزة تتحرك راسها بلا وتتمسكن وبنادم تتفرج فيها سد لفيطر باش كان ككتب ومشى ليها محدو كقرب وهي وقلبها كضرب وتتبلع فريقها وصفارت تتقول غيوصل غينتفني غيجرني من كصتي مع وصل هز لها الساك:زيدي قدامي
كنزة:هانت غير سمع هاستاد دابا انا لجيت لقدام لكتبة غتكون واضحة وغتجيب لي الدوخة والله مغنبقاش نهضر
شدها من ديك اليد لتتعبر بيها وجرها حتى وقفات بقا شاد فيها حتى وصلها وجلسها وحط لها ساكها:حسك منسمعوش
كنزة حطات يدها على حنكها:حشومة عليك هاستاد والله
مداهاش فيها وكمل الشرح وهي تتشوف فيه ولكن دماغها مكاينش شوية ضارت شافت فزويتينة وهي تبتاسم لها عاود ضارت جيهة سبورة بقات شحال تتشوف فيه ولكن مكايناش مزال تمسخنات بلاصتها نوضات لهم لبلبالة فلقسم ولكن كتشوفو محكر عليها غير هي انا داك العام لقسم كامل كان كطير كان قاطعها فيهم كاملين اما دابا غير هي ولكن نيت حتى هي تطير كلشي متبت وكسمع عاود ضارت عند زويتينة وهي تبجا تغمز فيها وتنعت لها بعينيها فيك وكنزة كضحك وتفرنس حتى ضارت وهي تشوفو كشوف فيها وهي تجمعها حدو رجع ضار شاف فالسبور وقال:لا حول ولا قوة الا بالله
عاود حطات يدها على حنكها وهي غتبكي بللفقصة ميمكنش تجلس هكا متحرك موالو وهي من طبعها حركية ومشطونة خاصها ضور وتحرك وتهضر وقدامو مقااابلة معااه معندها فين تفنفن تديك لحداها حفضات سبورة بعينيها بكترة ممتبعة سمعات الجرس وهي تجمع قشها دغيا حمدات الله انه تلها مع وحدة جابت ليه الدفتر تسولو اما كن قالها اجي نهضر معاك ويبقا يهلل عليها خرجات وهي طلاقا بزويتينة غير شافتها ضحكات:ناري ضحكتوني فاش جرك من يديك وتميتو غادين نت قصيورة وهو طويل كيف كنتو تتبانو
كنزة:ضحكي ضحكي ضحك فيا امة لا الاه الا الله عطيه تلافة زيدي زيدي نحيدو من حدا قسمو
تماو غادين وهي دوز من حدا واحد تلاتة داك النوع الطابلية مسدودة والضفيرة(مكنعايرش هاد النوع دلبنات ولكن درتهم ضحايا كنزة خخخ)كنزة شافت فيهم فاش كانت دايزة من حداهم وضربات على وحدة بنص عين نعتات فيها