✨الأستاذ والمزنزنة✨
🍦الجزء 6🍦
🦄منال برنيش🦄
منير خرج زاعف حيت قمعو قدامها:راه هكا باش تضسر الوليد
بدات تتجمع شعرها وتتمسح فدموعها:انا نحط ليك تعشا ابا
دريس:اجي اجي ابنتي شكون هاد الصحابات لكانو معاك
كنزة:وابا متيقوش راه غككدب راه غبنت لمعطي النجار وحميد مول المحلبة راك تتعرفهم ابا
دريس:صافي صافي سيري ابنتي راه غير خايف عليك
نهار جديد
كنزة طلعات كمامها:ايوا ايوا راه ماشي تتشوفونا ساكتين تضسرو لمخيرة فيكم نضرب دينمها تتنقز وخليونا زوينين
بنت:صافي صافي اساطا سكتي دابا بلا شوهة
كنزة غادية فلكولوار وكاع لواقف تتفرج فيها:الشوهة راه هي لدايرين شي بعضين طيحتو الدل على هاد المدرسة طالعة معاه ف103 كاع قنات كازا سنانها صفرين العكر
حمر دايرة كالراية ديال صبليون وتجي تقولك غمتواضعة معاكم الله ينعل لما يحشم
ولد:كنزة كاع لبنات تزوجو بقيتي غانت
كنزة خنزرات فيه:اللهم بايرة بكرامتي ولا شي خانز الطرمة لاصق فيا يشبعني تصرفيق ونسكت باش نتسمى عندي معامن
تتهضر وتدق على شي وحدات مدابزة معاهم حتى وحدة مقدرات تهضر حيت عارفين اجا مفكهم منها دخلات لساحة الرياضة شافت شي بنات تطبلو دخلات وسطهم تتشطح وتغني متقولش هادي هي لكانت تتعرعر دابا تتشطح وتغني معاهم طلقات شعرها بدات تحير تقول غعراسية هادي شوية جات الحارسة لعامة هازة عصى دالشطابة جرات عليهم تفرتكات الجقلة وكلا شد جهة مشات حدا الحانوت تشري وهو يبان ليها خوها واقف فالقنت هو وواحد خيتي دازت من حداهم سمعاتو تعبر ليها وهي تنطق:سلوكية هاو هاو
منير ضار:تنشدك البرهوشة
كنزة:براكة براكة من الصوااارخ والسلوكيات لقلتيه لشي وحدة لبارح تعاودو ليوووم
صاحبتو شافت فيه:شناهو علامن تدوي ختك مع من كنت لبارح
منير:حبيبة سمعيني نت راك الحب على قبل نقطع لبحوور
كنزة غادية تتجري:قطعتي تورقة الطوبيس ديما طالع سالت بقا غلبحور يعطيك غالدل
صاحبتو دفعاتو ومشات:بعد مني كلكم بحال بحال متبقاش تعيط ليا ولا نقولها لخويا
منير:لا لا لا اجي
شافها مشات ضار شاف كنزة واقفة عند مول لمسمن هز حجرة نيش عليهاا جابها لها نيشان فطرمتها تغوتات
أنت تقرأ
الأستاذ والمزنزنة 1 🪅مكتملة🪅
Romansa💎مكتملة💎 ❌حصرية على الواتباد ❌ كبيدات هانا جيت💝 🍦من عنوان قصتنا راه باين عربونها ههه بطلة جديدة وفكرة جديدة انشاءالله نتمنى تعجبكم وراااكم عاارفين سلعتي ههه😂 🍦بغيت تفاعلكم وكلامكم الزوبن حيت هو لكشجعني وكحفزني نزيد نكمل😘 🍦 قراءة ممتعة حبيبات...
