الأستاذ والمزنزنة 1 🪅مكتملة🪅

الجزء 34 🪅

✨الأستاذ والمزنزنة✨
      🍦الجزء 34🍦
                                                     🦄منال برنيش🦄
زويتينة بتاسمات:احم شعرك زوين شكون صايبو لك عرفتي تتباني بحال باربي
اميرة بتاسمات:بصح صيباتو ليا ميمة
زويتينة جراتها:اجي نقولك دابا نت صاحبتنا انا وكنزة ياك
اميرة حركات راسها باه
زويتينة:والصحابات مككدبوش على بعضياتهم ياك
اميرة تتحرك راسها باه وتتشوف فيها زويتينة تتبت فيها:قولي لي واش ياسين باباك؟
اميرة:اه
زويتينة ضارت عند كنزة لتتشوف فاميرة:متأكدة باباك يعني دار لماماك باش خرجتي نت
كنزة:خديجة من نيتك؟
اميرة:لا بابا مدير لماما والو بابا ضريف
زويتينة خرجات عينيها فيها وضارت عند كنزة:وكلع زهواني اختي(ضارت عند اميرة) قوليلي شنو سميت ماماك
اميرة:سميتها سارة
زويتينة:اه مزيان قوليلي وسارة مرات ياسين لهو باك ونت بنتهم؟
كنزة جرات اميرة:خديجة نوضي لعندك شي شغل تقضيه نوضي من حدايا
زويتينة:وبغينا غير نعرفو وصاف اويلي كيفاش هو مزوج وهادي بنتو وهو مدايرش لخاتم وكيفاش زعما هي بنتو وهو قالك ممزوجش او زعما
كنزة خنزرات فيها:وصااااف صااااف نوضي بحالك
زويتينة قفزات:صاف هانا نايضة
ناضت وهي بقات جالسة ومجلسة فوق منها اميرة وتدوز لها يدها على شعرها وتتفكر قلبها فلحظة حسات بيه تزمط عليها وبدا كضرب بالجهد وتتنهد وعينيها على اميرة واخدة منو بزاااف تتشبه ليه بزاق معرفاتش علاش جاتها لبكية وهي تتشوف فيها وديك كلمة بابا صدماتها معرفاتش علاش غجات هاد لبنت وتبدلات حالتها هزات راسها وشافتو واقف وهي تنوض ومداتها ليه وهضرات ببرود:الله يصلح هاستاد
ياسين هزها:شكرا
اميرة:بابا بغيت نبقى مع كنزة صاحبتي الجديدة
ياسين:واخا ابابا مرة اخرى كنزة جابا غتمشي تقرا ونت غتجي ماماك تديك واخا؟
اميرة ضحكات:بصااح انجيو مرة اخرى
ياسين:اه يلاه بوسي صاحبتك كنزة وقولي لها باي باي
بتاسمات كنزة شوية وباستها ودارت لها باي باي ومشاو لبنات تطلو وحاضيينهم بقات تتدير لها باي باي وهي غادية حتى مشاو هزات شكارتها وطابليتها وتبعاتها زويتينة حتى الاستاد لمن بعد الرياضة مكاينش إذن غيمشيو للدار
زويتينة:ولاهيلا جيك لبريهيشة غزالة مشاءالله
كنزة مجاوباتها تتلبس فطابليتها وغادية وزويتينة عاود هضرات:بالسيف باها زوين علام الله مها كدايرة تاهي
كنزة ضارت فيها:سكتيناا