الأستاذ والمزنزنة 1 🪅مكتملة🪅

الجزء 70 🪅

✨الأستاذ والمزنزنة✨
      🍦الجزء 70🍦
                                                     🦄منال برنيش🦄
سرحات رجليها لكانت ضامة عندها مسحات دموعها وناضت لاحت عليها مونطوها وهزات شي فلوس ونزلات تتسلت كانو فالصالون خرجات بشوية وبلا ميشوفوهتظا حتى خرجات من الدار مشات تتزرب ومرة تتجري كاع عينيها منفوخين وجها تقمش شدات طاكسي وقالتلو لعنوان ومشاو حطها قدام العمارة الصقيل مكاينش حس دبنادم كانت لوقيتة التلاتة دلعشية وقفات قدامها دموعها نزلو تجمع عليها كلشي كاع ادوزات معاه كلشي تفكرات نهار جات لهاد الدار كانت فرحاانة وكضحك وعاجبها الحال وكانت معاه دابا جاية لها منهارة وبوحدها دخلات تتبكي وطالعة فينما كتزيد درجة تتقول غتلقا الجنازة والناس حالهم بحال حالها وصلات للباب وهي تدق بالجهد وتتصوني بالجهد باغية لخرج عندها مهم جات هنا خاصها تشوف شي حد جلسات للارض وهي تتبكي وتشهق كلشي تجمع عليها دابا تحل لباب ضارت دغيا دموعها نازلين مكحبسوش
اميرة:كنزااااا
كنزة جراتها عندها عنقاتها وهي تتبكي
اميرة:كنزة مالكي علاش تتبكي واش مريضة
شدات فيها كنزة وقفات:اجي اجي يشوفك بابا
كنزة جمعات البكية وهضرات وهي شاداها السخفة:فين فين هو ياسين فين باباك
اميرة:فبيتو ناعس اجي نوريك باربي الجديدة لشريت
دخلات دفعات الكرسي لدارت اميرة باش طلع وتوصل للساقطة باش تحل لها تطلاح دخلات بلا عقل اميرة من وراها تتهضر وتعاود لها على لمونيكات وهي باغية غير فوقاش تشوفو قدامها حلات لباب وودخلات مدقاتش كاع عقلها ايخرج دخلات غير شافتو مجبد على كرشو نااعس وهي دايرة جنازة وهي ترجع نفسها لقلبها وحيات من جديد وجها لكان مخطوف بان فيه شوية الضو مشات ليه نيشان طلاحت حداه وبدات تتفيق فيه بالجهد:استاذ نووض استاااد وياااسين
ناض قافز هز راسه ساد عين وحال لوخرا شاف فيها وفجنابو مفاهم والو حتى حقق فيها عاد ناض مفاهم والو:كنزة؟
هنا تفركعات بالبكى وتلاحت عنقااتو وهي تتبكي وهو باقي مضهشر معرف باش تبلا اميرة خلاها ناعسة هاهي حداه تاهو كان تفاق لقاها قدامو وتتبكي واخا مقشبل والو عنقها:كنزة كنزة مالك
غير تتبكي وكارزة عليييه بقا معنقها حتى تهدن وتسكت على خاطرها بقات تخوات قلبها وبعدات وهي تتشوف فيه
شد لها وجهاا بين يديه:كنزة راك خلعتيني اشواقع وعلاش جيتي ياك لباس؟
كنزة قالتها وهي مخنوقة:قالو ليا متي هئ هئ هئ هئ
شدات وجها بين يديها وهي تتبكي مفهم تاني والو ولكن ضربات ليه فدماغو شاف فيها كيف تتبكي وجات تلهنا عرف الدرية واكلة الجق فقليبها من جيهتو حيد لها يدها وباسها وشد فيها:شوووو صافي سكتي موقع والو
غير تتبكي وتقول مبكيت بحالا ميت لقاتو زيت ولكن نيت مساهلاش
ياسين:كنزة سمعيني وسكتي باش نشرح ليك
كنزة:كدبو عليا ولاد لحراام
ياسين:لا فهمتي غلط هو راه بصح الاستاد ياسين لكقري الفيزيك مسكين توفى لبارح

توضيح:
البنات راه انا يوميا كنحط 10 الاجزاء 5 فالصباح 5 فالليل دابة واش تبغيو نبقا نحط بهاد الطريقة ولا نبدل دوك 10 الاجزاء نجمعهم ليكم فالليل يعني دوك 10 الاجزاء نجمعهم ليكم ونحطهم فدقة مغنبقاش مقسماهم ليكم بين الصباح والليل
نتلاقاو غدا