الأستاذ والمزنزنة 1 🪅مكتملة🪅

الجزء 49 🪅

✨الأستاذ والمزنزنة✨
      🍦الجزء 49🍦
                                                     🦄منال برنيش🦄
زويتينة:وعاد كقلتي لي فاش بقيتو بزوج فبلان التيو بعجا اول حاجة كيف عرعر علينا ونت مولات الفعلة وهانت قدامي صحة سلام مدار معاك والو وكقلت لك كن مكنتيش تتهميه يعني راد لك البال كعما يقولك دابا تعرفي
كنزة:شنو زعما غنعرف تكون ماشي بنتو
زويتينة:معرفتش ولكن مستقبلا مدام قالك هو دابا تعرفي فراه كاينة شي قضية ومبغاكش زعما تفهمي شي حاجة غلط
كنزة تقلبات على جنبها:اووديي
زويتينة قربات لها:كيف داير لقليب
كنزة خشات وجها فلمخدة:بعدي منيي
زويتينة:قولي لي باش تتحسي فاش تتكوني معاه بوحدكم ولا فاش تتشوفيه
كنزة تقلبات عندها:ساطا قلبي كبدا يضرب بالجهد واخا مم داك العام كنشوفو كنتضعق ولكن دابا كنحس فشكاال اختي وليت كنحس براسي فشكل وليت فينما نكون غير جالسة حتى كجي فبالي
ختماتها بتنهيدة وسهااات مهما تكون قبيحة وتطير الا الحب كخلي بنادم يتركن ويجلس يتسنط لعظامو خخخ
فبلاصة اخرى
اميرة:عفاك ابابا غير شوية
ياسين هزها:لا براكة تالغدا انشاءالله
داها للبيت وحطها فناموسيتها وغطاها وباسها:بابا متمشيش
ياسين جلس حداها:انا معااك
اميرة:بابا امتى غتديني نشوف صحاباتي لكبااارات
ياسين:انشاءالله حتى متكونش عندك لمدرسة
اميرة:عرفتي ابابا صحاباتي لكبارات ضريفات كعما كضاربو معايا ماسي بحال الاء و صوفيا وامل خايبات
ياسين كدوز لها يديه على شعرها:شكون عزيز عليك فصحاباتك لكبارات
اميرة:مممم كنزة عطاتني الكورة لعب بيها ومخداتهاش ليا
بتاسم ليها ورجع باسها:يلاه ابابا نعسي
اميرة تقلبات على جنبها:بونوي
طفا الضو وشعل لبولة الصغيرة لحداها باش ميكونش الظلام عليها وخرج مشى للصالة شعل تلفازة وجلس ولكن بالو مكاينش بالو فجيهة اخرى بالو مزال فالليسي بالو مزاا فحصة ديال الصباح وكاع لحصص لكتكون فيهم هي جالسة مقابلة تتهضر بالتخبية وهو داير راسو مكشوفهاش وليوم كان استتناء شطحاتو وجرجراتو خلاتو قالب قشم على قدو بفعايلها وزادتها جاياه نيشان حطات ليه النقط على لحروف انه كحكر عليها ولكن هو بلعكس باغيها تقرا مكبغيهاش تبقا غتهضر وتسرسر لا تقرا قرايتها كن مكانتش تتهمو كعما يخسر عليها حتى كلمة وعاد هو ماشي واحد صغير راه راجل وبعقلو من تصرفاتها يعرفها شنو كضور فيها من جيهتو وعرف وزااد تأكد انها حتى هي مايلة لجيهتو مين سرسبات ليه طلشي ليوم وعند راسها كدب عليها وواخا حياتو الشخصية لمح ليها انها غتعرف شنو كاين مستقبلا ولكن غير بوحدها لتعرف هي هو لبغاها