✨الأستاذ والمزنزنة✨
🍦الجزء 54🍦
🦄منال برنيش🦄
زويتينة:نعام ااستاد
ياسين:علاش كنزة مجاتش
زويتينة:عيانة شوية ااستاد
حرك راسو باه وجبج طيلي ديالو:واخا تعطيني نمرتها؟
زويتينة تتحل فساكها:اه مرحبا ااستاد
قيدات ليه النمرة شكرها ومشات خرجات بحالها
كانت متكية مفيها مينوض يديها على حنكها وتتفكر ستون دلبارح ممشاش لها من بالها واخا عطاتها علاش ضور ولكن مزال مبردات ليها تسمعي على ماماك ديك الكلمة حية ومتبغيهاش محساك ميتة عينيها دغيا غرغرو وعلاش لا وهس نبع الحنان معندهاش ومكايناش فجنبها واخا طيارة وخفيفية ولكن فداخلها حاجة اخرى إنسان اخر هازة فقلبها وهازة مسؤولية كبر منها هي انها هازة دارهم تطيب وتصبن لهم ولكن هادشي الناس معارفينوش كشوفو فيها طنزة لديما وسط المطايفات كنزة لغير تجبدها تصلصل عليه معارفينش كنزة للداخل شنو هازة فقلبها ولا شنو بيها
تقلبات على جنبها وتنهدات شوية صونا لها طيلي ضارت هزاتو كانت نمرة ممقيداش جاوبات واخا هكاك:الو
ياسين:الو كنزة لباس؟
كنزة جلسات:استاذ؟
ياسين:اه علاش مجيتيش ليوم؟
كنزة:ها مريضة شوية ااستاد
ياسين:اه ميكون باس
كنزة بتاسمات:شكرا ااستاد ربي خليك
ياسين:احم كنزة غتكوني فلعشية فالدار؟
كنزة:اه علاش؟
ياسين:وجداتك؟
كنزة ستغربات:تاهي كاينة علاش؟
ياسين:مهم راه غادي نجي بغيت نهضر معاها
كنزة تصمكات وبقات غير ساااكتة وقلبها بدا يضرب:شنو درت ااستاد
ياسين بتاسم شوية:مدرتي والو مهم واش نقدر نجي؟
كنزة شوية وتنقز وتقوليه جييي دار دارك بات نت كاع:ها احم اه ااستاد مرحباا
ياسين:سولي جداك بعدا
كنزة:لا لا ااستاد غير جي مرحبا حنا معندنا فين نمشيو
ياسين:اه صاف وااخا يلاه بسلامة
كنزة:بسلامة ااستاد
قطعات وتكات بشوية وهي مبتاسمة وقلبها غيفرفر ناري غايجي عندهم تسرحات وجا فبالها هو تفكرات لبارح نيشان والبوسة والعناق تزنكات وحطات يدها على راسها ويج على قلبها ونطقات بدون مقدمات:كنبغيك💓
الحاجة:وعلاش غادي يجي ياك مدرتي شي موصيبة
كنزة:واميمة انا موالفة بلمصايب اويلي
الحاجة:وصاف مرحبا به اللالة
كنزة:عنداك تخرجي اميمة
الحاجة:وصافي
كنزة باستها وطلعات للبيت حلات لبللكار وجبدات تلات. دلقشابات(هادوك ديال تلاتين درهم😂)بدات تتقيس فيهم
كنزة تتشوف فلمراية:غنلبس لغوز فاش يدخل وشيبيا فاش نحط ليه الصينية وغاش يكون غادي نلبس الصفرة
بقات تتقيس فيهم وتلوح وتعاود تلبس جتى وقفات وحطات صبعها على فمها:اجي وهو اصلا لاش جاي؟
أنت تقرأ
الأستاذ والمزنزنة 1 🪅مكتملة🪅
عاطفية💎مكتملة💎 ❌حصرية على الواتباد ❌ كبيدات هانا جيت💝 🍦من عنوان قصتنا راه باين عربونها ههه بطلة جديدة وفكرة جديدة انشاءالله نتمنى تعجبكم وراااكم عاارفين سلعتي ههه😂 🍦بغيت تفاعلكم وكلامكم الزوبن حيت هو لكشجعني وكحفزني نزيد نكمل😘 🍦 قراءة ممتعة حبيبات...
