الأستاذ والمزنزنة 1 🪅مكتملة🪅

الجزء 29 🪅

✨الأستاذ والمزنزنة✨
      🍦الجزء 29🍦
                                                     🦄منال برنيش🦄
ياسين:لا لا باينة زيدي زيدي
نزلو وهي غادية معاه مرة مرة كضور تشوف فيه بالنص ملامحو ديما معبسة داك النوع جيال الناس لجدي فاي حاجة متتعرفوش واش مقلق ولا عادي وهادشي تبينو مهيب وهادشي نيت لمخليها مضسرش عليه واخا دارت ليه لبلبالة هاد المرة فاش كانت عندو داك لعام كان قامع الضحك للبشري وهي دابا مزال ممستوعباش انه هضر معاها هكا وعتاذر منها على داك النهار ولكن المسألة ديال انه محكر عليها هي لممسروطاش لها عليها بغات تزيد خلفة وعليها كحلات بلعمى فاش شافتو فاللول
ياسين:استاذ
المدير تلفت:نعام استاد سلام ابنتي
كنزة:سلام استاد
ياسين:هادي هي لقلت لك متعطيهاش الانتقال راه كدير غلكوارت
كنزة عينيها خرجو ضارت شافت فيه مفهمات والو
المدير:لا لا مغتمشيش انشاءالله غيعجبها الحال عندنا راه عندنا اساتدة مزيانين ابنتي علاش بغيتي تمشي
كنزة بدات تتفتف عليهم:واستاد ضاربت مع البنات بزاف
المدير:ونت هابنتي جاية تقراي ولا جاية تشادي مع لبنات
كنزة:وراه هما كجبدوني هاستاد
المدير:وتانت الا جينا نحكرو راه ندابزو مع كاع الناس مهم نت دابا جيتيني من طرف الاستاد ياسين غنصحك بحال بنتي راه ماشي حيت حنا هنا غنشكرها لك على والو راه بصح ابنتي عنجنا اساتدة مزيانين ونت لباك معندكش الوقت لضيعيه تبقاي تمشي من مدرسة لأخرى فهمتيني
كنزة حركات راسها باه وهو حاضيها كيف تتهضر وتتسنع لشافها يقول متحركش دجاجة على بيضها اما هي راه بقا لها غير الجنون تشاد معاهم خرجو من المدرسة كان هو قدامها وهي تتشوف هنا ولهيه واش تتسناها زويتينة حتى وقفات عليها واحد لبنت
بنت:شوفي راه قالت لك خديجة زويتينة راه غتمشي حيت عندها شي سخرة اتمشي تقديها
كنزة فهمات بلي تابعها الشقى حركات راسها بآه وشكرات لبنت ضارت لقاتو تهضر فطوموبيل ضارت وتمات غادية بحالها وهي تسمعو عيط لها ضارت لقاتو مزال تدوي ولكن شير لها بيديه باش تجي عندو وقفات تسناتو حتى سالا وسولها:نت فين ساكنة؟
كنزة:حدا جردة زرقطوني
ياسين حل لها لباب:هاديك هي طريقي طلعي
طلعات مخلالهاش فين تفكر ركب حتى هو وتحركو كان غير السكات وهادشي لمتتحملش كنزة ضارت شافت فيه ومن بعد عاود ضارت للطريق:أستاذ نقولك واحد لحاجة
ياسين:مرحبا
كنزة:عرفتي نت عندك زوج شخصيات شخصية التانية هي لمآكتيفي دابا والاولى هي للتتكون فلقسم
ياسين:وشكون حسن
كنزة خاطرها:تاوحدة(هضرات)نجيك صراحة هاستاد تتحكر فأي حاجة
حطت يدها على فمها حسات على شنو قالت جا فبالها دابا يلوحها من طوموبيل شافت فيه بشوية لقاتو بتاسم:غير على مصلحتكم انا هكا مكنبغيش نضحك على ولاد الناس جيتو تقرلو مكاينش شي حاجة اخرى انا عارف شحال من واحد متحملنيش ولكن مين غيوصل لواحد السن وغيعرف شنو الصح وشنو الغلط عاد غيتفكرني
كنزة هنا حسات بلي كدق عليها:بصح بصح
بقاو ساكتين شحال وهي تعاود تهضر دابا بلا حشمة بلا حيا:أستاذ نت مزوج