الأستاذ والمزنزنة 1 🪅مكتملة🪅

الجزء 71 🪅

✨الأستاذ والمزنزنة✨
🍦الجزء 71🍦
🦄منال برنيش🦄
كنزة شافت فيه بعويناتها الدامعين:ماشي نت ياك
ياسين:وهانا حدااك
كنزة:ولكن علاش مكنتيش تتجاوبني لبارح؟
ياسين:من لبارح فالصباح طفى ليا مشعلتوش كانت عندي شي خدمة فكازا وفليل كنت شاد الطريق راجع للمراكش ومشيت مع الاساتدة للمقبرة
كنزة تنهدات:الله يرحمو مسكين مهم انخليك ترتاح انمشي دابا
ياسين جرها جلسها:لا غير بقاي انا غنوصلك
حركات راسها باه شدات فيه ضرها بزاف بقوة لبكى ناض حفيان نزل جاب لها كاس دلما شرباتو دقة من الصباح ملاحت شي حاجة فحلقها عاطياها غير للبكى
ياسين شاف فيها:خفتي عليا؟
شافت فيه وواخا شافتو مزال حزينة حيت متقدرش تخايلها انه يمشي وتبقى من وراه عينيها تاني غرغرو جرها بشوية وعنقها اميرة غير جالسة مفاهمة والو تتشوف شي كعنق فشي خخخ
ياسين:وصافي هانا معاك
تنهدات وحطات راسها على صدرو ونسات راسها حتى سرات معاها عاد ناضت وهي تتشوف فيه كان ت واحد زغيبة نازلة على عينيها حيدها لها وهي ساهية فيه محساتش حتى هضرات:استاذ غادي نقوليك واحد الحاجة وحسبها كيف مابغيتي تقدر نجيك باسلة ومكنحشمش ولا مراهقة طايشة مكهمنيش حيت ماشي عيب لواحد يقول شنو تحس مهم متبقاش تتحرق فيا
ياسين طلع حاجبو وأخا فهمها شكتقصد:شكاين
كنزة بلا مقدمات طلقاتها:استاد انا كنبغيك
خرج عينيه وشاف فاميرة لجالسة كضفر للمونيكة كعما مسوقة تزنكات وغطات راسها بيديها ضحك وحط يدو على يدها شافت فيه بخجل وهو ينطق حتى هو:كنزة تزوجي بيا؟
خرجات عينيها وتوكدات ورجع فيها اللون كان كحسابها غيقمعها ولا شي حاجة اخرى فاش عتارفات واخا طلقاتها نيشان ولكن فالاعتراف بالحب لواحد تتخربق بقا تتشوفيه وهي ضحك حشمانة وجمعات النفس وحركات راسها باه بتاسم وعنقها وحتى هي شوية وهي تبعد عليه
كنزة:اويلي خرجت بلا خبار الدار وهما فراسهم بلي نت ميت
ياسين:يلاه نوصلك
ناضت وهزات اميرة هو لاح عليه تجاكيطة وخرجو
ياسين:مهم نت هضري مع باباك وفاي وقت انا غنجي
كنزة:واخا ليلة نهضر معاه حيت غيرجع لكازا
ياسين:مهم القرار كرجع ليك الا بغيتي حتى يدوز الوطني عاد نديرو لعقد لبغيتي
كنزة:لا نتزوجو دابا والعرس من بعد
شاف فيها بتاسم على صراحتها هكدا بغاها وبهادشي لفتات انتباهو مكتصنعش لفقلبها على لساانها:واخا الالة لبغيتي
وصلها سلمات عليه ومشات وخي راجعة عكس ككانت غادية راجعة فرحانة وغطير علاش لا وهي لقاتو مزال معاها وماشي كانت تتحساب وعاد طلب يدها للزواج علاش لمتفرحش