✨الأستاذ والمزنزنة✨
🍦الجزء 13🍦
🦄منال برنيش🦄
لعارفة ضارت جيهة فين جالسة كنزة ونعتات:هاديك لبنت هاستاذ
كنزة زادت غمضات عينيهاوتندب فحنكها وتولول حسات بزويتينة تتنغز فيها وهي تهضر:ضارني راسي ضارني راسي
زويتينة:ضرها راسها هاستاذ
ياسين حرم راسو باه:ايوا الله يجيب الشفا اذن نبداو
كنزة زفرات خرجات راسها شوية من الساك وزويتينة دارت لها بيديها مالك وهي تهضر:من بعد من بعد ونعاود لك الا جا مرة اخرى قولي ليه مريضة ولا ماتت اي حاجة
حطات الساك وهي مزال محنية وتتشوفيه كان كشرح لهم نعسات فوق الطاولة وبقات شحال غير تتسمع ليه حتى داتها عينيها ونعسات كانت عندهم ساعتين
زويتينة:كنزة كنزة نوضي كنزة
بدات تتحل عينيها مبوقة هزات راسها معبسة والكصة تخربقات هضرات بصوت نعسان:صونات يلاه نمشيو
هزات الساك يلاه غتوقف وهي تلقاه وااقف عليها توكضات بلعات ريقها كان خاشي يديه فجيابو ومطلع حاجبو وكشوف فيه:صباح لخير غتهدني مزال الحال
كنزة قلبها كضرب:سلام استاد لباس نت بيخير لعائلة لفاميلا كلشي بيخير
ياسين:حمدالله ونت بنتيلي ماشي تلهيه
كنزة:لا لا حمدالله هاستاد لعندو صحتو يحمد الله
ياسين:متأكدة؟
كنزة حركات راسها باه وعينيها مزال مبلكات مزال ممتيقاش انه راهو بشحمو ولحمو واقف قدامها تقالت تفكاات
ياسين وهو غادي:جابك ليا الله نملحك تاني هاد العام تتنقصي الخفة
كنزة حطات راسها بشوية على الطاولة وهي راسمة على وجها علامات ديال البكا والتغبان:اشداني اشداني اربي كنت فدارنا مكوزة ناعسة سخونة شداني لشي مراكش ولا مولاي عقوب
زويتينة:واش تتعرفيه؟
ياسين كغوت عليها:كنزااااااا
كنزة ناضت طاافجة بحال شي عسكري نايض يتحارب:نعام هاستاذ
ياسين:جبدي دفتارك وكتبي
كنزة حلات ساكها:واخا
جبدات دفتار بدات تتكتب وضربات الطم حتى كملات وبدات تتعض فظفارها وتتفكر حتى نطقات:خديجة تتعرفي شي ليسي اخرى من غير هادي؟
زويتينة تتكتب:اه علاش ولكن راه بعيدة
كنزة:غنتحول
زويتينة:اويلي علااش؟
كنزة:نموت ومنقرااش عند هدا جهنم ولا هاد الاستاذ
زويتينة:اويلاااي لهاد درجة وشنو سبب؟
كنزة بدات تتعاود وتعبر بوجها ويديها:تحكر وتدخل فاي حاجة او النفس ميكرهش يقطعو فينا هداا ناااااري عرفتيي الفرووض الذبان متزنزنش عندووو
زويتينة:انا معنديش مشكل يكون غكشرح مزيان
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
الأستاذ والمزنزنة 1 🪅مكتملة🪅
عاطفية💎مكتملة💎 ❌حصرية على الواتباد ❌ كبيدات هانا جيت💝 🍦من عنوان قصتنا راه باين عربونها ههه بطلة جديدة وفكرة جديدة انشاءالله نتمنى تعجبكم وراااكم عاارفين سلعتي ههه😂 🍦بغيت تفاعلكم وكلامكم الزوبن حيت هو لكشجعني وكحفزني نزيد نكمل😘 🍦 قراءة ممتعة حبيبات...
