الأستاذ والمزنزنة 1 🪅مكتملة🪅

الجزء 37 🪅

✨الأستاذ والمزنزنة✨
      🍦الجزء 37🍦
                                                     🦄منال برنيش🦄
بقا كشوف فيها متبعها تنهد وخشا يديه فجيابه وبقا واقف نزل راسه للساحة لمحها وبقا كشوف فيها وسط لبنات غير هي بوحدها كتهضر شوية خرجات وسطهم وبدات تتهضر فطيليفون هزات عينيها وطلاقاو عينيهم وهي مزال تتهضر  فطيليفون وضارت عطاتو بالضهر بقات تتهضر من بعد مشات بحالها
فليل
حطات يدها على راسها حسات بالدوخة فلتات الطبسيل لكانت تتغسل فيه طاح وتهرس غير شافت تشتت بدات تتدب حناكها وتولول ليلة ليلتها قفراتها دخلات عليها يسرى شافتها طلعات ونزلات فيها:ياختي تتموتي على لعصى
زويتينة خايفة:وراه مقصدتش نطيحو راه راه
يسرى غوتات:ماما ماما عزية هرسات واحد الطبسيل وكبير
جات نعيمة دغيا يسرى جات وراها وبدات تضحك:اويلي على بنت لحرااااام كاع لماعن هرساتهم اويلييييييي
زويتينة تطاكي بيديها على وجها:غير سمعي اخالتي غير سمعي نشرح
نعيمة صرفقاتها وجراتها عندها جلسات عليها بالقريص:غير اشغنسمع اكحلة الجناب ابنت لحرام لولدوك زادو خلفة وانا وحلت فيك شدي شدييي فقصتني وطرطقتي ليا مراارتي
زويتينة تتغوت وتبكي ويسرى تتلوح لها الدقات تحماو عليها مسكينة تحاماو على ليتيمة لمعندها على من تحط الراس لقاوها حيط قصير هدموها وقطعوها
فبلاصة اخرى
تتفرج وساكتة جامعة رجليها عندها وساااهية تتفكر والحاجة حداها تتطرز وتتهضر معاها ولكن هي فين هي كعما كاااينة حتى زعزعاتها:كنزة واكنزة
كنزة قفزات:نعام اميمة مالك
الحاجة:من صباح وانا داوية بوحدي ابنيتي مالك
كنزة وقفات:لا لا والو غير سهيت اميمة مهم انا غنطلع نعس تصبحي على خير
باستها ومشات طلعاات تكات وشدات طيليفونها وهي تدخل نيشان للفايس ودخلات للباج ديالو لكانت ديما كدخل تشوف فيها تصاورو وتبقا ساهية فيهم شحاااال تتهدات مبقاتش داخلة لها بزاف دغيا بلوكاتو وسدات طيلي وخرجات غمضات عينيها ونعسات ولكن سبقاتها دمعة لنزلات مسحاتها وناضت جلسات وجمعات رجليها عندها وجلسات تتبكي وتنخصص وتمسح دموعها بكمها وتقول فداخلها علااش يوقعها هكا علاش عمرها كانت تتخايل تبكي على داك الشخص بالظبط هي خلف الكواليس كانت تاهي لافت انتباه دخل تشوف تصاورو مرة مرة تبقى تشوف فيه الا كان ملاهي بشي حاجة واخا كانت تتدابز معاه ولكن مين وقع اخر بلان خرجات لها نيشان