Heather's Heartbreak Anniversary✓

Part - 9

" Heather Kim "

" ကျွန်တော် ဘယ်နှစ်ခါ‌ပြောရမလဲ ? Heather Kim မဟုတ်ဘူး !!! Kim Seok Jin !!! Kim Seok Jin!!! "

ပါးကို ကျရောက်လာပြန်တဲ့ လက်ဖဝါး။

" Heather Kim ဖြစ်နေလို့ နင် အချစ်ခံနေရတာ ... Kim Seok Jin သာဆိုရင် နင်အခု အချစ်ခံရဖို့ နေနေ‌သာသာ အခိုင်းအစေတစ်ယောက်လို ဖြစ်နေမှာကို နင် သိလား! "

" Heather Kim ဖြစ်နေလည်း အချစ်ခံရတာက အယောင်အဆောင်တွေပဲလေ အမေ "

" Heather Kim ဖြစ်နေလို့ နင့်အဖေဆီကနေ အချစ်တွေ တနင့်တပိုး နင်ရနေတာ ... Heather Kim နဲ့ Kim Seok Jin ဆိုတဲ့ နှစ်ယောက်ရဲ့ ကွာခြားချက်ကို နင်အသိဆုံးမလား? နင့်အဖေ သိပ်ချစ်တဲ့သားက Heather Kim ပဲ ... Kim Seok Jin ဆိုတဲ့သားကို နင့်အဖေက ချစ်တာမဟုတ်ဘူး ! နင်နဲ့ အဲ့တစ်ယောက်ဆိုရင် နင့်အဖေက အဲ့တစ်ယောက်ကိုပဲ ရွေးမှာ "

" ... "

" အခုတောင် နင် မြင်တယ်မလား ? သူ့အချစ်ဆုံးသား နာမည်ကိုပဲ သူက မှတ်မိနေတာလေ ... နင့်နာမည် Kim Seok Jin ကို မှတ်မိလို့လား ? နင်က အဲ့တစ်ယောက်နဲ့ယှဉ်ရင် အပယ်ခံပဲ Seok Jin... ဒါကြောင့် နင့်အဖေအချစ်ကို လိုချင်ရင် နင်က Heather Kim ဖြစ်နေရမယ် "

" အမေရော သူများနာမည်ကို ယူပြီး သူများနေရာမှာ ဝင်ပြီးဟန်ဆောင်နေတာ မပင်ပန်းဘူးလား ? "

မေးလိုက်တော့ အမေ့မျက်လုံးသေတွေက လှုပ်ရှားသွားတယ်။

အမေလည်း ပင်ပန်းနေရဲ့သားနဲ့ ...

" ငါသာ အဲ့လို မဟန်ဆောင်ခဲ့ရင် ငါတို့နှစ်ယောက်က နှင်ထုတ်ခံရမှာ ... နင် သိမှာပါ ... နင့်အဖေက ငါ့ကို မချစ်ဘူး Seok Jin "

အမေဟာ ကျွန်တော့်ပုခုံးကို ဆုပ်ကိုင်လာပြီး

" အမေတို့ နှစ်ယောက်က သူ့အတွက် လူရာဝင်တာမဟုတ်ဘူး သား ... မင်းက သူ့ သွေးသားဆိုပေမယ့် အမေက သူချစ်တဲ့ အမျိုးသမီး မဟုတ်ဘူး ... သူ ချစ်တဲ့ အမျိုးသမီးနေရာမှာ အမေ ဟန်ဆောင်နေရတာက အမေတို့အတွက်ပဲ ... မင်းလည်း မင်းအဖေကို ချစ်တယ်မလား ? "

" ... "

" ဖြေလေ Seok Jin "

" အင်း "

" အမေလည်း သူ့ကို ချစ်တယ် ... အမေတို့ သူ့အနားမှာ နေရဖို့ အခုလို ဟန်ဆောင်မှ ဖြစ်မယ် ... ကံတရားက အမေတို့ဘက်မှာ ရှိနေတာ ... ဒါကြောင့် အမေတို့ သူများနေရာဝင်ပြီး ဟန်ဆောင်ရတာ ပင်ပန်းပေမယ့်လည်း အမေတို့ ဟန်ဆောင်ရမယ် သား "