(انتقام إلياس)الجزء الثاني لقمر هادي بقلم سعاد سيد حسن

الفصل (٣)(يوم رأس السنة)

منذ ثمن سنوات كان يقف في الجامعة منتظر حبيبة قلبه وروحه واللي كان بيحلم بيها تكون زوجته طول عمره

محمود وهو يرها وبصوت عالي:- زينب يازينب .

زينب اقتربت منه :- نعم يا محمود في حاجة .

محمود:- تعالي نخروج مع بعض .

زينب:- مش هينفع يا محمود عندي محاضرة ، خاليها مرة تانية .

محمود:- انا ممكن استناكي لما تخلصي .

زينب وهي تنظر في ساعة يدها:- تمام ، انا هروح ألحق المحضرة .

وبعد ساعتين في الكافية .

محمود:- ها تشربي إيه .

زينب:- اي حاجه مش فارقه كتير.

محمود:- خلاص يبقى اتنين الهوت شوكولات .

زينب:- وانت عرفت ازاي اني بحب الهوت شوكولات .

محمود بابتسامة عريضة:- انا اعرف عنك كل حاجه .

زينب:- احم .. انت كنت عايز تكلمني في إيه.

محمود بحب وهو يمسك أيدها :- انا بحبك يا زينب من زمان ومن ساعة ما كنا صغيرين وانت حبك بيمشي في دمي
أنا عايزك بس تقولي اه وأنا هاخلي بابا يكلم عمي هادي وفي أقرب وقت نكون مخطوبين .

زينب سحبت يدها بإحراج:- وانا كمان بحبك يا محمود بس زي أخويا أدهم كده ،

محمود:- بس ..

زينب قطعته:- استنى يا محمود واسمعني للآخر انت لسه شاب والمستقبل قدامك وبكره تضحك على نفسك وتقول إزاي قولت كده ، انت دلوقتي لسه في جامعة وقدامك فترة طويلة ولسه هتشتغل ممكن في الوقت ده تقابل اللي تحبك وتحبها .

محمود بوجع :- وليه متكونش انتي .

زينب:- باختصار شديد إحنا منقدرش نحكم على قلوبنا نحب مين وازاي .

محمود:- طب ما تديني فرصة اخليكي تحبيني .

زينب:- أنا أسفه يا محمود ، بعد اذنك وفي نفسها سامحني مش هقدر أكسر قلب روما وانا عارفه أنها بتحبك ومن زمان وانا الوحيدة اللي عارفه ، وقامت ومشيت وتركت محمود يبكي بدموع القلب .

فاق أخيراً من ذكريات الماضي على فتاة تلعب في شعره

محمود:- نعم يا سوسو ، عايزه ايه .

سوسو:- هو انا لما ادلعك ابقي عايزه حاجه .

محمود:- بصي يا سوسو انا ممكن أشرب كاسين وأسهر شويه لكن لحد إللي في بالك لأ ومليون لأ كمان.

سوسو:- ليه بس ده انا هعيشك ليله ولا ألف ليلة وليلة ، وهنسيك اللي وجع قلبك ده .

محمود:- هو انتي مبتفهميش انا مش بتاع كده أنسي .

سوسو:- طب ما قريبك أهو كل يوم يروح بواحده .

محمود:- انا مليش دعوه بحد وابعدي انا ماشي وسيبلك المكان كله .