كانت تجلس في السرير من دون كلام تجلس شاردة وتسأل نفسها مالذي سوف يحدث في حياتها بعد كل هذه الأحداث
إلياس كان ينظر لها بتأثر لكن غير ملامح وجهه إلي الضحك والمرح ودخل عليها الغرفة .
إلياس بضحك:- مال القمر ماله مجناش على باله .
روما وهي تنظر له ثم تنظر إلى الجهه الاخرى .
إلياس:- إيه ده ، هو انتي زعلانه مني ، انا عارف انتي زعلانه من إيه علشان قولتلك يومين و غيبت اسبوع ، بس والله كان غصب عني كان فيه شغل كتير بس صدقيني هعوضك بشهر عسل يجنن ، لا نخليها شهرين و نلف العالم كله ونروح اي مكان تطلبيه .
روما بهدوء:- إلياس ناديلي ايلين ومروان .
إلياس:- لو عايزها حاجه انا موجود ، اطلبي بس .
روما:- لأ انا عايزهم في موضوع يخصهم .
إلياس:- حاضر دقيقه واحده واكون عندك .
وبعد دقيقه فعلا كان كلا من إلياس ومروان وايلين أمامها
مروان:- حمد لله على السلامه يا روما .
ايلين:- إيه ده داحنا احلوينا وبقينا قمرات .
روما:- انا عايزكم تعملوا فرحكم في معاده
ايلين :- خلاص يا بنتي إحنا قرارنا ناجل الفرح شويه علشان انا ومروان عندنا شغل .
روما:- اسمعي كلامي يا ايلين متوقفوش حياتكم علشان حد ولا انا ولا غيري ، اللحظه اللي بتروح عمرها ما هترجع تاني
إلياس:- وانا مع روما في كلامها ، حرام بعد كل التحضيرات دي وتاجله .
وقبل أن يعترضوا، روما:- انا بقيت كويسه و كمان هاحضر
الفرح ، انا اساسا عايزها أخرج النهارده ، انتوا عارفين اني مبحبش قاعدة المستشفيات .
مروان:- وانا موافق ، بس بشرط تسمعي الكلام وبلاش تتعبي نفسك وترتاحي في السرير كام يوم كده وانا هبعتلك ممرضه علشان تخد بالها منك ومن مواعيد ادويتك وكمان علشان تغيرلك على الجرح .
روما بابتسامة :- متقلقش انا معايا دكتور هيخد باله مني .
مروان:- تمام يا ستي على راحتك ، بس لازم تحضري الفرح مفيش اعذار .
روما بضحك:- متقلقش هحضر حتي لو على كرسي بعجل .
إلياس بحزن:- بعد الشر عنك.
روما بضحك:- طبعاً ما انت مش عايز تشلني كل شويه.
إلياس بضحك:- اضحك عليكي ، انا خايف على ضهري .
روما ضحكت من قلبها ودخلت انجي وقمر وريم وابتسام وصافي وسلمي وقمر بنت احمد وشمس وزينب
انجي بفرح:- الله ما صلي على النبي ، إيه القمر اللي بيضحك
الجميع:- عليه افضل الصلاة والسلام .
أنت تقرأ
(انتقام إلياس)الجزء الثاني لقمر هادي بقلم سعاد سيد حسن
Misterio / Suspensoاصعب حاجه ممكن يشوفها الإنسان هي موت عائلته قدم عينيه وبطريقة دموية من دون الاب والام والأخت وبهذه الطريقة فهل سيظل إنسان سوي ام للقدر رأي آخر
