(انتقام إلياس)الجزء الثاني لقمر هادي بقلم سعاد سيد حسن

الفصل (٦)(مفاجأة غير متوقعة)

انجي :- يلا يا روما ، انتي لسه مجهزتيش .

روما وهي ممددة على السرير:- هو في إيه يا ماما ، ده خالي فارس وهادي ابنه يعني مش حد غريب.

انجي:- يا سلام يعني هتقبليهم بالبجامه البيت .

روما بضحك:- لأ ، كلها نص ساعة و أغير هدومي وانزل علشان عندي شغل .

انجي:- انتي هتنقطيني صح . شغل ايه .

روما بضحك:- أهدي شويه ، مأمورية هقعد فيها يومين تلاته كده .

انجي:- هو انتي مش وخده بالك انك بنت وعلى وش جواز كمان ، يعني ايه هتباتي بره البيت دي .

روما بضحك:- علشان كده كنت بشتغل في امريكا ، علشان الزن ده .

انجي بشهقة كوميدية:- يعني أنا زنانه ، طب هوريكي .
وهجمت عليها بالضرب ، وروما طلعت خارج غرفتها وبصوت عالي :- يا يوسف باشا ،

يوسف بضحك:- مالكم في إيه

روما بضحك:- حوش مراتك عني ، انا سكته بس علشان المدام بتاعتك غير كده كنت عملت حاجات كتير .

انجي:- طب فرجيني يا بنت يوسف ، وانا ابيتك انتي وابوكي في الشارع .

يوسف بضحك هستيري :- وانا مالي انا يا لمبي .

انجي:- لمبي في عينك .

روما بضحك:- خلاص انتي قولتيها بلسانك ، انا نزلها ابات في الشارع زي ما قولتي ، اه انا عندي كرامه وعزة نفس .

انجي :- طب ايه رأيك لاكتافك ، ومفيش شغل بعد النهارده

روما بضحك وهي تدخل غرفتها:- متقوليش كلام انتي مش قده يا مدام انجي الحديدي . وقفلت باب غرفتها

انجي:- طب إيه رأيك لهعمل اللي في دماغي ، ومفيش شغل

يوسف بضحك:- متقوليش كلام انتي مش قدها يا مدام

انجي بغضب شديد:- انت السبب ، لازم كانت تدخل شرطة ، حرام عليك ، كان لازم تحببها في السلاح وضرب النار

يوسف بضحك:- هو لازم في أي خناقه بنكم اكون أنا الغلطان .

انجي:- أيوه غلطان وستين غلطان ، كان فيها إيه لو دخلت طب ولا اي حاجه تانيه .

يوسف:- انجي اسمعيني روما بتحب شغلها ، مش لازم كل شويه تتخانقي معها بسبب الشغل ، ممكن تتضيق ومتنزلش مصر تاني .

😥😥😥😥😥 بقلم سعاد سيد حسن 😥😥😥😥😥

هادي كان يرتدي بدلة انيقه زرقاء تليق به وينظر لنفسه في المرايا ويضع اللمسات الأخيرة .

ابتسام وهي تدخل له غرفته :- الله ماصلي على النبي ، إيه ده قمر يا حبيب ، حسوه في عينك يلي متصليش على النبي

هادي:- عليه افضل الصلاه والسلام وقبل رأسها شكرا يا ماما ربنا يخليكي ليا .

فارس وهو يدخل:- إيه يا هادي هنتاخر على الناس .