(انتقام إلياس)الجزء الثاني لقمر هادي بقلم سعاد سيد حسن

الفصل (٢٣)( جبروت أم )

كانت تحلم به وهو يلمس شعرها بحنيه كبيرة ويهمس في أذنها بكلام معسول حتى ذاب قلبها وفتحت عيونها ورأيت عيونه تنظر لها بحب حقيقي وحنين

روما بشوق وحنين:- إلياس .

ليل :- لأ يا ماما انا ليل مش بابا ، يلا اصحي علشان هنروح المدرسة .

استيقظت روما وفهمت أنها كانت تحلم ولأن عيون أبنها مثل عيون والده بل هو نسخة مصغرة منه في كل شيء حتى الابتسامة و الحنيه وشعره وعيونه ونظراته كأنه هو

روما وهي تقبل أبنها من خده :- كل سنه وانت طيب ومعايا يا حبيب قلبي .

ليل بحنيه:- وانتي طيبه يا ماما ، انا هستناكي بره واه أبقي غيري هدومك دي علشان عمو وائل نايم بره من امبارح .

روما ابتسمت وقالت في نفسها :- بتغير عليا وانت عندك ٦سنين أمال لما يبقي عندك عشرين سنة هتعمل ايه

رد ليل وهو يقفل الباب بعد خروجه :- هغير عليكي بردوا

انصدمت من رد أبنها الذي حتي ورث الغيرة من إلياس

أخرجت الخاتم الذي تركه إلياس لها تذكار منه ووعد بالعودة حتى يأخذه لأنه غالي عنده جدا وهو من رائحه أمه وجده

روما وهي تتكلم للخاتم كأنه إلياس :- شوفت إبنك بيعمل فيا إيه ده ناقص يخليني ألبس نقاب ، وحشتني اوي يا إلياس إيه مش ناوي ترجع مش كفايه ٦سنين بعد انت وحشتني اوي وحشتني ريحتك لمستك نفسك ، انا عارفه أنه غصب عنك بس أرجوك أرجع بسرعه .وقبلت الخاتم حتى ترسل هذه القبله لزوجها الحبيب إلياس .

وقامت تأخذ حمام ساخن وتغير ملابسها لملابس العمل  حتى تذهب إلي الشركة حتى تدير أملاك زوجها وأبنائها .

وخرجت حتى تحضر الافطار وجددت وائل يجهز القهوة الخاصة بيه .

روما :- إفطار الأول وبعد كده ابقي اشرب القهوه 

وائل:- صباح الخير يا روما .

روما:- صباح النور . ، إيه مش هتبطل كل لما تغضب من مراتك تيجي تبات عندي آخر مهزهق هخد مفتاح القصر منك

ضحك وائل :- لسه زي ما انتي متغيرتيش.

روما بضحك:- وتغير ليه ، انا كده مائة فل وعشرة .

وائل بحزن :- بس سليا اتغيرت قوي يا روما بقيت مجنونه

روما :- من حقها تغير عليك ، انا لو مكانها هعمل كده واكتر

وائل :- روما انتي زي اختي ومرات صاحبي وانتي كمان السبب في معرفتنا ببعض .

روما:- بس هي شايفه أنك دائما معايا في الشغل وفي البيت ويوميا مع بعض ومعلشي أكيد الشيطان هيصورلها حاجات كتير غير اني من غير إلياس .

وائل:- بس يا روما ده جنون .

روما :- أرجع لبيتك يا وائل وصالح مراتك وخدها في حضنك و طمنها وعرفها أنك مش شايف غيرها ، وأعرف هي عايزها إيه ولو اللي عايزها أنك تسيب الشغل معايا انا مش هزعل بالعكس ، وخالينا نحافظ على صداقتنا ونتقابل في المناسبات والاعياد .