(انتقام إلياس)الجزء الثاني لقمر هادي بقلم سعاد سيد حسن

الفصل (٢٢)(دقات من الماضي)

جاء اليوم المنتظر الذي ظله سنوات ينتظر قدومه
حلم الطفوله سوف يتحقق بعد بضع ساعات.
الحب الذي نشاء عليه من الصغر الآن سوف يصبح بين يديه

كان هادي في قمة سعادته اليوم هو يوم زفافه على قمر ابنة عمه و عشقه الأول والأخير .

هادي:- ها يا محمود إيه رأيك .

محمود بابتسامة عريضة:- زي القمر يا واد يا هادي إيه الحلوه دي ، اللهم صلي على النبي .

جميع الشباب:- اللهم صلي وسلم وبارك على سيدنا محمد صلى الله عليه وسلم.

مالك بضحك:- مالك يا محمود قلبت على الست الوالده كده

محمود بضحك:- ولما الواد يتنش عين هيبقي حلو.

مالك:- طب تعالي بخرني انا كمان ، مش انا كمان عريس

أدهم بضحك:؛ انا عايز اعرف انت ليه صممة أن فرحك يبقي مع هادي .

مالك بضحك:- علشان أوفر المصاريف والفلوس اللي توافرها اروح بيها شهر عسل .

هادي بضحك:- اه يا بخيل يا جلده ، يا عم فوك الكيس شويه هي ليلة في العمر.

مالك بضحك:- اه وأدور اشحت انا و مراتي بعد الجواز

مازن وهو يقزفه بالمخده:- ربنا يخدك يا مالك ، طول عمرك قرفني في حياتي كلها.

مالك بضحك:- يا عم ده إحنا بقينا نسايب في بعضينا

مازن بضحك:- ماهو ده اللي قهرني يا خويا

هادي بضحك:- ياعم سيبك منه ، المهم أنك هتبقى بابا بعد كام شهر .

محمود بضحك:- لو بنت انا حجزها لابني .

مازن بضحك:- مين ده يا أخويا ، لو بنت مش هجوزها هخليها قاعدة جانبي احسن ما واحد يجي يخدها على الجاهز .

هادي بضحك:- يلهوي يا مازن ده انت هتبقى حمي صعب

وفضلوا يضحكون مع بعض حتى يعدي الوقت.

🤩🤩🤩🤩🤩 بقلم سعاد سيد حسن 🤩🤩🤩🤩🤩

وفي غرفة الفتيات كان في جو من التوتر

قمر :- انا قلقاً أوي يا بنات .

حور بخوف :- مش اكتر مني والله .

شمس بضحك:- ليه بس يا عروسه منك ليها ، دي النهارده الفرح وهنهيص.

ايمان بصوت ريا وسكينة:- الجواز علينا حق ، محدش بيكلها بالساهل .

قمر:- حرام عليكم انا قلقاً بجد .

شمس:- طب إحنا معنا واحده اتجوزت نسأل عن رأيك ومسكت الفرشاة الشعر وعملتها مايك وانها مذيعة وذهبت ناحية حياة .

حياة:- بصوا يا جماعه عن تجربه ، الجواز ده عامل زي البطيخ مره تطلع حمره مره تطلع قرعه مره تطلع مره مره تطلع مسكره يعني انتي وحظك .