(انتقام إلياس)الجزء الثاني لقمر هادي بقلم سعاد سيد حسن

الفصل (٢٦)( عودة إلياس الصياد)

ابتعدت عنه ومسحت دموعها

روما:- شكرا على كلامك ودعمك ليا .

نيكولاس بحب حقيقي:- دي الحقيقه ، انتي أقوي ست قبلتها طول حياتي .

روما نظرة في عيونه ، نفس نظرة إلياس ليها ، نظرة كلها حب وحنين وقبل أن تتكلم وتقوله الحقيقة أنه إلياس زوجها ، جرس الباب رن

فنزلت حتى تعرف من الذي سوف يزورها في هذا الوقت المتاخر من الليل الساعه تجاوزت الواحدة بعد نصف الليل

نيكولاس بغضب:- على أساس إني هواه مش راجل يعني قدامك علشان تفتحي الباب .

روما بضحك:- وعلى أيه اتفضل أفتح الباب .

فتح الباب ووجد امرأة ومعها طفله صغيره من عمر لين أو أصغر منها وتحمل حقيبه سفر .

نيكولاس :- نعم ، عايزها مين حضرتك .

سليا بدموع :- ناديلي روما يا إلياس .

نيكولاس باستغراب شديد :- واقولها مين .

روما وهي تفتح الباب وتري هذا المظهر :- في إيه مالك وازاي وائل رضي تنزلي في وقت زي ده

سليا رمت نفسها في حضن روما و سليا بكت بحزن شديد:- وائل طلقني يا روما ، ورايح يتجوز بنت لفت عليه

روما اخذتها في حضنها وادخلتها هي والصغيرة

وبعد قليل وضعت كوب العصير على المنضدة:- شكرا يا روما

روما نظرة لنيكولاس :- ممكن تاخد جوري على غرفة لين

نيكولاس بابتسامة :- تمام ، يلا يا جوجو وحمل الصغيرة وطلع بيها السلم وهو يمزح معها ويعمل أصوات مضحكه

سليا :- انا عارفه مهما اتاسف مش هينفع ، لكن صدقيني أول حد فكرت فيه هو انتي .

روما:- ليه ، مش كنت أنا اللي عايزها اخرب بيتك واخطف جوزك ، مش انا اللي سبب في كل مشكله بتحصل بينكم

اديني بعدت يا ستي حياتك اتعدلت بالعكس اديكي اطلقتي
جيالي ليه ، اه أقولك انا عايزني أكلمه وامنعه أنه يتجوز صح .

سليا :- بالظبط كده .

روما :- بصفتي إيه ، كل اللي كان بيني وبينه أنتهي علشان ترتاحي ، انت عارفه كنت فاكره المشكلة فيه ، لكن طلعت منك انتي وبعد ما ارجعه إيه الجديد ، اعرفي يا سليا الراجل لو ملقاش راحته في بيته بيدور عليها بره ، خاليه يتجوز ويشوف نفسه وانتي ربي بنتك مش كانت حياتك من غيره ماشي اعتبريه أخد أجازه منك أو سافر .

سليا بدموع وقامت تقف :- انا أسفه اني جيتلك ، وفكرتك اختي وصديقتي اللي اتربينا مع بعض من وإحنا اطفال .

روما بضحك:- تصدقي ضحكاتي كان فين أختك وصدقتك وقت ما جوزي كان بعيد عني وانتي غيرانا على جوزك مني وخايفه اخطفه منك مقولتليش ليه لنفسك اني أختك مستحيل هبص لجوزك ، ها ما تردي .