إلياس وهو يمسح وجه بايده:- اعتبر أن دي موفقه يعني.
روما بصدمة:- انت مجنون يا إلياس ، طفل إيه وهبل إيه
إلياس:- انتي مش قولتي أن الدنيا مصلحة هات وخد
روما:- انت بتتكلم بجد ولا بتهزر .
إلياس:- بتكلم جد الجد .
روما:- طب ازاي يعني .
إلياس:- بالاتفاق والمصلحة المتبادلة بينا ، انا عايز طفل وانتي هكتبلك نص ثروتي بالمقابل الطفل ده .
روما بضحك:- هي الصفقة حلوه مفيش كلام ، لكن انا مبحبش الفلوس .
إلياس:- خلاص انتي مش كان في نفسك تكوني أم لأطفال كتير وفي نفس الوقت هنكون متفقين على كل حاجه
روما بضحك:- هو سلق بيض.، انت عارف يعني ايه طفل يعني مسؤولية كبيرة ومينفعش نلعب بيها.
إلياس:- روما افهميني انتي الانسانه الوحيدة اللي ممكن أخلف منها ، قولي ليه .
روما باستغراب:- ليه .
إلياس:- انا وانتي من رغم اختلافات نا مع بعض بس بنتفق على مبادئ واحد وهو أننا عايزين ولادنا يعيشوا بطريقة سويا وكمان عايزين نديهم حاجات إحنا اتحرمنا منها مع أهلنا وكمان انتي الوحيده اللي مش هخاف على أبني وهو معها بغض النظر اني هكون حي أو ميت ، لأني عارف كويس أنك ها تربيه ازاي و ها تحميه قد ايه حتى لو من نفسه .
روما:- كلامك موزون بس إيه رأيك تخلف من واحدة تانية وانا اللي ها اربي لك العيل يا سيدي ومن غير فلوس
إلياس بضحك:- مينفعش يا روما ، لأن أي واحدة غيرك هتكون طماعنا فيا ،انتي الوحيدة اللي مشفتش في عيونك الطمع ولا أنك همك حتي الفلوس وانا هكتبلك نص الثروة علشان أبني لاني عارف طبعك كويس ولو انفصلنا بعد الخلفه هترفضي اني أصرف عليكم .
روما:- إلياس انت مجنون .
إلياس بضحك:- بصي هو الوش الحنين ماينفعش معاكي تمام نقلب على الوش التاني ، إيه رأيك لما أتصل بسعادة اللواء يوسف وماما انجي وكل عائلة الحديدي وعائلة جدك عز الدين و اقولهم على قصة الجواز المزيف .
روما بضحك:- طز .. أعلي ما في خيالك اركبه .
إلياس بضحك:- تمام وزميلك في الشغل والاعلام وتبقى فضيحه بجلاجل .
روما بضحك:- تحب اشيارلك انا الخبر على السوشيال ميديا
إلياس وهو يخرج هاتفه ويفتح معرض الصور:- طب إيه رأيك في الكام صورة دي ، وكانت صور لروما وهي نائمة ووجهه ملطخ بالسكر البودرة بالأخص فمها وشنبها مثل المدمنين
روما بضحك:- حلوين اوي ابقي ابعتيلي انزلها على الفيس
إلياس بضحك:- تمام طب إيه رأيك لم اكتب فوق الصوره فضيحه الجهاز العالمي ......وبنت اللواء في مكافحة المخدرات وبنته بتشتغل في الجهاز هناك برتبة رائد ومدمنه مخدرات وحاجات تانيه ، تفتكرى إيه اللي هيحصل بعدها
أنت تقرأ
(انتقام إلياس)الجزء الثاني لقمر هادي بقلم سعاد سيد حسن
Mystery / Thrillerاصعب حاجه ممكن يشوفها الإنسان هي موت عائلته قدم عينيه وبطريقة دموية من دون الاب والام والأخت وبهذه الطريقة فهل سيظل إنسان سوي ام للقدر رأي آخر
