(انتقام إلياس)الجزء الثاني لقمر هادي بقلم سعاد سيد حسن

الفصل (١٠) ( عيد فطر سعيد)

كل عام وانتم بخير بمناسبه عيد الفطر المبارك

ياريت متنسوش النجمة الحلوه بتاعتكم وتعليقكم الجميل

فتح عيونه لقها قاعدة على كرسي ورأسها نائمه جانب أيده وهو نايم على سرير بغرفة بيضاء واخد وقت علشان يفتكر هو فين وافتكر أنه في المستشفى و عمل العملية علشان يرجع يقف على رجليه تاني زي الأول .

فتحت عيونها بارهاق وقامت حتى تتفقد زوجها وحبيبها

آية:- حمد لله على السلامه ، ألف سلامة عليك .

سراج:- انتي نائمه على الكرسي من امبارح .

آية:- اه عادي كنت عايزها اطمن عليك ، وكمان ده شغلي

سراج:- لا مش شغلك ، آية حرام عليكي اللي بتعمليه في نفسك وفي أولادنا .

آية باستغراب:- انت بتقول أولادنا .

سراج:- آية انا مافقدش الذاكرة أساساً ، انا عارف إنك مراتي وحب عمري وعدنان وعدي أولادي .

آية بدموع:- طب ليه يا سراج تعمل ده كله فيا ده انا كنت بموت في اليوم مائة مرة بسبب حزني عليك .

سراج :- أنتي عارفه أني مستحملش دموعك ، تعالي قربي.

آية:- لأ يا سراج انا زعلانه منك بجد .

سراج:- طب إيه رأيك لو مجتيش هنا جنبي انا هقوم وطظ في العملية .

آية عارفه أنه مجنون ويعملها فقربة منه وأول ما مسك أيدها شدها لحضنه وفضل يطبطب عليها علشان تهدي .

سراج:- حقك عليا بس انا كنت خايف عليكي .

آية رفعت راسها:- خايف عليه من إيه يا سراج .

سراج:- من العقارب اللي أنتي جيتي اترميتي وسطهم .

آية:- كنت عايزني اسيبك لوحدك ، ده انا لا عشت ولا كنت

سراج قبل رأسها:- ربنا يباركلي فيكي انتي وأولادنا.

آية بابتسامة:- ويبارك لنا فيك ويشفيك ويعفيك .

سراج بحب:- انا مش عارف انا عملت ايه ، علشان ربنا يكفاءني بي ملاك زيك .

آية بابتسامة:- ممكن اعرف أنت ليه عملت موضوع فقد الذاكرة دي وليه كدبة عليا .

سراج:- علشان اشوف كل واحد على حققته وكمان علشان اعرف مين كان السبب في الحادثة ، وانا مكدبتش عليكي أنتي ، انا كنت عايزك تمشي من أول لحظة علشان خايف عليكي وباسف انا عارف اني جرحتك كتير وكمان هم بهدولكي وانا كنت عاجز مش عارف احميكي فكنت بحاول اضيقك علشان تمشي لكن أنتي عنيده .

آية:- أولا انت مش عاجز ، انا طول عمري عايشها في حمايتك انت ، وليه يا سراج مستكتر عليا إني أخدم جوزي حبيبي وأبو أولادي .