(انتقام إلياس)الجزء الثاني لقمر هادي بقلم سعاد سيد حسن

الفصل (٢٤)( موت عائلة الجارحي)

دخلت المنزل لقيته قاعد في الصالون والأطفال قاعدين جانبه فابتسمت بسعادة وهي تخفي ألمها وخوفها عليهم

روما وهي تجلس:- لسه زي ما انت ،بتدخل أي مكان من غير مفتاح

الجنرال:- ما أنتي اتعلمتيها مني ولا نسيتي .

روما بضحك:- لأ منستش ، وانتوا سهرانين لحد دلوقتي ليه مش عندكم مدرسه الصبح .

ليل:- كنا عايزين نطمن عليكي .

روما بابتسامة:- وانا رجعت اهوا الحمد لله ، يلا على السرير

ليل ولين في طاعة :- حاضر وقبل كلن منهم روما وذهبوا على غرفتهم .

الجنرال بجديه:- مش حسه أنك مزودة الشدة على عيالك ، دول اطفال ومن حقهم وطبيعي جدا أنهم يخافوا من اللي حصل في الحفله .

روما:- وانا مش عايزهم يخافوا من حاجه حتى الموت ، عايزهم يكونوا أقوياء علشان اللي جاي حرب الله اعلم هتنتهي على إيه .

الجنرال :- ممكن تفهميني إيه الموضوع أساساً والحرب دي مع مين بالظبط .

روما :- الحكاية بدأت من يجي تلاتين سنه مع رجل إسمه مصطفى الجارحي حارب مافيا من الشياطين حربهم وفضل واقف قصدهم في كل حاجه كانوا عايزين يعملها في البلد أو القرية اللي كانوا عايشين فيها ، العصابة دي كانت بتعتمد على أشخاص في القرية بيستغلوا فقر الناس وقلت التعليم والصحة وكانوا بيخلوا الناس تجوز بناتها لناس من بره القرية على أساس أن حياة البنات دي هتكون احسن وطبعا غير الشباب اللي كانوا بيقولوا أنهم واخدين عقد عمل في الخارج لكن الحقيقة كانت عكس كده ، الحقيقة أن البنات دي بيستغلهم في أعمال مشبوهة زي تجارة المخدرات والصلاح والدعارة وغيره والشباب بيخدهم ويخدرهم ويتبعوا أعضاء وغير طبعا موضوع السم اللي أكتشف المصل بتاعه ، المهم هو قدر يكشف العصابة دي و أسماءهم وكمان مستندات تدنهم لكن هو كان عايز يعمل المشروع بتاعه الأول علشان يقدر يرجع البنات مصر تاني ويلحق الشباب لكن هما كانوا أسرع منه وقتله هو وعائلته وافتكروا أن الموضوع انتهى على كده لكن بعد سنه انتقل عائلة إلياس والسيد سالم الصياد لقي نسخه من المستندات وعرف إيه اللي حصل وعلشان كده اتقتل هو وعائلته لكن اللي غير الخطه هو إلياس أنه فضل عايش فمقدروش أنهم يخدوا الأملاك زي عائلة الجارحي .

الجنرال بجديه:- طب انتي عرفتي كل ده ازاي .

روما :- لقيت المستندات الاصليه وكمان مذكرات مصطفى الجارحي بنفسه كان مخبيها في البيت

فلاش باك

في يوم زفاف هادي و قمر وبعد ما خرجت من المستشفى جالها صوت في أذنها بيقولها لازم تروح قصر الجارحي

وفعلاً عملت كده وأول ما دخلت القصر شافت نفس الرجل إللي قالها على الخاتم لما كانت في غيبوبة وهو بيوجهه لمكان معين واكتشفت أنه مكان سري وفي غرفة سريه محدش يعرفها ولا حد اكتشفها من قبلها ولقيت فيها خزنة مخفيه في الجدار والغريب أنها عرفت تحل الرمز بسهولة ولقيت الصور لبعض الأشخاص ودفتر مذكرات وكمان المستندات والوثائق وقراءتها وعرفت كل اللي حصل و