Vigilante

II: THE AMBUSH

Baliktad ang itim na puso,
Kasama ang guhit na patayo.
Matimbang pa rin ang pagmamahal,
Kahit na hindi punung-puno.

Barahang itim na sumisimbolo,
Sa kalakip tulong para sa kaibigan.
Gulong-gulo man ang aking utak,
Tagumpay kong naihagis sa daan.

Tinatawag na ako ng konsensya,
Magpapaalam na ako saglit.
Hindi mo dama't nahahalata?
Kinakain na ako ng inggit.

Hinanap nila kung saan galing,
Lumilipad na ba ang baraha?
Malinis na nakakapagsalamin,
Tinatanggal ang mga lupa.

-Mr. Pride

Damasco General Hospital

"Tatanda na lang ba akong binata?" 

Nakahiga ako ngayon sa aking kama habang nag-aantay ng update kay Boss tungkol sa departamentong papasukan ko. Sakto naman at tumatawag na siya ngayon. 

[PHONE CALL] 
Luckey: Direk? 
Director: Metropolitan Manila Police Department. Hanapin mo si Police Commissioner Frankie Falcon. 
Luckey: Noted. 
Director Archer: Goodluck!

Agad kong hinanda ang mga gamit ko at nagbihis. Ngayon ay babalik na ako sa departamento kung saan ako nagkaroon ng mga masasakit na ala-ala. Sumakay na ako sa sasakyan ko at nag-drive papunta sa nasabing departamento. Habang nasa daan ay nadaanan ko ang ospital ng utol ko.

May kaibigan ako ritong naka-confine kaya naisipan ko muna itong dalawin. Walong taon na rin siyang nandito dahil sa pagkaka-comatose.

Ader ang pangalan niya, magkasing edad lang kami. Hanggang ngayon ay umaasa pa rin akong magigising siya kahit na sinabi na mismo ng Doktor na wala nang pag-asa pang magising siya.

"Tao po!" Kumatok ako sa Ward No. 3 VIP Suite.

"Pasok!" Ang salitang narinig ko mula sa loob. Pumasok akong may dalang prutas.

"Good evening 'tol!" Nandito ngayon si Kuya William, ang may-ari nitong ospital. Siya ang nakatatandang kapatid ni Ader. "Kamusta si Ader?" Tanong ko.

"Gwapo pa rin, walang pinagbago." Sagot nito sa'kin saka kami tumawa nang mahina. "Napadalaw ka?" Tanong niya.

"Gusto ko lang i-check. Malay mo gumising na pala tapos 'di ko alam. Siya nga pala, bumili ako ng prutas para sa kanya." Sagot ko.

"Ikaw talaga o. Huwag kang mag-alala, ikaw agad ang una kong sasabihan 'pag nagising na 'tong lokong 'to." Sabi niya.

"Salamat tol! Sana nga magising na siya agad." Ngumiti ako sa kanya.

"Sa ngayon, hulihin mo na muna si Lust. Malay mo 'di ba? Magising siya kapag naramdaman niyang wala nang panganib sa buhay niya. Isa pa, magiging proud siya sa'yo!" Saad niya.

"Ipinapangako kong huhulihin ko si Eduard bago pa man magising si Ader." Wika ko kay Kuya William bago ako tuluyang naglakad paalis.

"Mag-iingat ka palagi, Luckey!"

Metropolitan Manila Police Department

Ang Metropolitan Manila Police Department o MMPD ay ang pinakamalaki at pangunahing istasyon ng kapulisan sa lungsod na nasasakupan ng Metro Manila. Nandito ang himpilan ng Emergency Call Center kasama ang Paramedic, Special Agents at Rescue Operation Team na nakahandang mag-dispatch sakaling may dumating na iba't ibang code of emergency.

Nandito rin ang dalawang Investigation Unit; ang Violent Crimes Unit at Serious Crimes Unit na pinamumunuan ni Daniel Fernando Reagar at ni Police Commander Victor David. Nakabase rin sa MMPD ang Special Weapon and Tactics o SWAT, maging ang BOMB Squad. Dito rin matatagpuan ang opisina ng Police Commissioner na namumuno sa mga kapulisan ng buong Metro Manila. 

"Lance Adrian M. Viper?" 

Ilang ulit niya akong tiningnan na parang nagtataka dahil iba 'yung Lance na nasa picture sa Lance na nakikita niya ngayon sa harapan niya. Hindi naman talaga ako si Lance. Ako si Luckey, loko naman 'tong bulag na 'to.

Napanood ko pala ang interview niya, ni Commissioner Frankie Falcon. Nabulag daw ang kaliwa niyang mata noong sumabak siya sa giyera. Nagsilbi rin pala siya bilang sundalo, nakaka-amaze naman. Ayan, may harang ang isa niyang mata na parang pampirata, 'di ko naman alam kung anong tawag diyan.

Binabasa niya ngayon ang personal information ni Venom, akala niya kasi ako 'yun.

Nagkaroon ng maraming pagbabago sa NBI. Nagbotohan sila kung sino sa'min ni Lance ang pupunta sa Cebu para sa misyon at kung sino ang pupunta sa departamentong ito para tumulong sa mga malalamig na kaso.

At ang napili nila ay si Lance para sa Cebu, at ako naman ay para sa departamentong ito. Okay lang naman sa'kin. Hindi ko naman talaga maipagkakaila na mas magaling siyang Agent sa'kin.

Gusto pa sana ni Director Albert na parehas kaming ipadala do'n kaso napagkasunduan nila ng Police General na paghiwalayin kami.

I have 35% of win rate sa mga misyong nahawakan ko. Kasama na do'n yung mga palpak-palpak na undercover missions na ipinagawa sa'kin. Nagre-recommend kasi ako ng ibang tactics and methods, hindi nila ako pinapakinggan. Siguro dahil wala pa ako sa mataas na posisyon, pero maaabot ko rin 'yon.

Tama na ang satsat boy, nandito na ako sa Violent Crimes Unit. Trabaho pa rin naman 'to kaya pagbubutihin ko pa rin.

"Mawalang galang na po. Hindi po ako si Venom, ako po si Agent Tiger. Next Resume po." Sabi ko sa Commissioner.

"Ba't ngayon mo lang sinabi? Patapos ko na 'tong mabasa, 'yung isang CV pala 'yung sa'yo." Saad niya. "Sayang, ang ganda na sana ng record, dito ang pangit." Bulong niya na narinig ko.

"Ano po?" Tanong ko.

"Wala, wala. Sige maupo ka." Wika niya.

"Ilang taon na po kayo?" Tumingin-tingin ako sa paligid ng opisina niya.

"52 years old. Bakit? May ipapakilala ka ba sa'kin?" Ani niya.

"OMG! 52 years old na po kayo? Akala ko 30 pa lang." Sambit ko sa kanya na ikinatuwa niya.

"Magkakasundo tayo niyan," humalakhak siya ng malakas.

HAHAHAHA Utu-uto.

"Walang gaanong nakalagay dito sa Personal Information mo. Tell me about yourself na lang, baka makumbinsi pa akong kunin ka." Sambit niya.

May choice pa siyang tanggihan ako ah? Akala niya may iba pa kaming agent na ipapadala rito.

"Luckey Xavier F. Buenaventura, Private Investigator and a Criminal Profiler coming from the National Bureau of Investigation. Psych graduate with a Master's degree specializing in forensic psychology. A licensed Psychometrician and Psychologist. Have prior experience in forensic settings.

"I once used Tiger as my code name during my first successful mission. After that, they started calling me by it as if it were my real agent name." 

Luckey Buenaventura, 36 years old. Mailalarawan bilang isang magandang lalaki. Mayro'n siyang kahalik-halik na labi at matangos na ilong. Bilog ang kanyang mga mata na nagpapakilala bilang siya. 5'11" ang laki na bumabagay sa kanyang magandang hugis ng katawan. Siya ay medyo matipuno, sa pagitan ng payat at malaking katawan. Ang buhok niya naman ay nasa tamang haba. 

Nakita ko siyang humawak sa ulo niya matapos marinig ang sinabi ko. Umiling-iling pa siya, halatang natatawa sa win rate ko. Okay, magiging tiger talaga ako, mag-antay ka lang.

"Nasaan pala si Lance? Bakit hindi siya natuloy dito?" Tanong ng Commissioner.

"May importanteng misyon si Lance ngayon." Sagot ko.

Napabuntong hininga siya. "Sige na, nandiyan na eh. Ano pa bang magagawa ko?" Sabi niya. "Since ikaw ang pinadala dito, gusto ko lang marinig, ano ba ang mga agenda mo?" Nagtanong ulit.

"Nangangailangan kayo ng staff para malutas ang mystery killings na hindi niyo malunasan sa lungsod na ito. That's my number one agenda - ang tulungan kayo sa inyong imbestigasyon."

"Magda-dalawang dekada na ang nakalipas mula nang magkaroon ng patayan sa Metro Manila at ibang sakop ng Rizal. Sino ang ulo? Si Cackles. Hindi siya basta-bastang killer - isa siyang Serial Killer. Nagsimula ito sa taong 2000 hanggang taong 2004."

"Nang mawala si Cackles ay pumalit ang isang serial killer na binigyan ng alias na, 'Lust.' Kumpara sa naunang mamamatay-tao, ang killer na ito ay isang r*pist."

"Later that, bumalik na naman ang atensyon kay Cackles. Ang dahilan? Umingay ang buong bansa sa pangalan ni Paul Christopher Falcon. Itinuturo siya ng lahat bilang si Cackles dahil na-diskubre ng awtoridad na gumawa siya ng isang organisasyon na tinawag niyang 'The Cardinal Sinner.'"

Sandali akong napatigil dahil ang pangalang nabanggit ko ay may mahalagang papel sa buhay ko.

Itinuloy ko rin agad. "At noong taong 2010 nang matapos ang lahat ng patayan na nagaganap ay may nangyaring kababalaghan sa Floret Tower, na Natt Condominium na ngayon. Maraming nawala at namatay sa building na 'yun sa hindi malamang dahilan."

"Kung ano ang iuutos sa'kin ng leader o kahit sinong nakatataas ay siya lang din ang susundin ko. Pwede rin akong magtagal ng ilang taon dito kung may malaking kaso akong hahawakan." Pagtatapos ko.

"Anong bakas ang iniiwan ni Cackles at Lust sa mga pinatay nila?" Tanong ng Commissioner. Tine-test niya siguro ako.

"Lahat ng pinatay ni Cackles ay natagpuang walang kuko sa kanang hinlalaki nito. Habang si Lust naman ay nag-iiwan ng bulaklak na rosas sa pribadong parte ng katawan ng babae." Sagot ko.

"Inaral at pinaghandaan mo ang pagpunta mo dito ah." Mahina niyang saad.

Wala akong naalala during my probationary na bakas ni Lust sa killings niya. Unique pa rin naman ang kaso niya kaya hindi necessary. Manyak eh.

Hindi ko alam kung sasabihin ko ba ang saloobin ko tungkol sa kaso ni Tito Pablo. Gusto kong linisin ang pangalan niya.

"Ano naman ang iimbestigahan mo sa kaso ng kapatid ko?"

Huh?! Anong kapatid?

Kinabahan ako bigla sa tinanong niya. Sinong tinutukoy niyang kapatid? Si Tito Pablo ba? Kaya ba parehas ang last name nila? Hindi ko ine-expect na may kapatid si Tito Pablo. Akala ko coincidence lang.

Si Paul Falcon ay isang former NBI Agent. Sumikat siya sa isang misyon kung saan nahuli niya ang isa sa pinaka-makapangyarihang gangster sa Pilipinas - si Don Mariano Acedia. Bumaliktad agad ang maganda niyang reputasyon nang pinaratangan siya bilang si Cackles pero...

"Mawalang galang na po pero isa rin sa dahilan kung bakit ako nandito ay dahil gusto kong linisin ang pangalan ni Paul Falcon. Ang taong umampon sa akin at dahilan kung bakit naabot ko itong kalagayan ko ngayon. Isa siya sa pinakamabait na nakilala ko at hindi ako naniniwalang siya si Cackles."

"Nagtagal ako ng ilang taon sa bahay niya kasama ang kanyang asawa kaya hindi talaga ako naniniwala sa mga paratang ng mga tao sa kanya."

"Mahal na mahal ni Tito Pablo si Tita Nely, hinding-hindi niya iyon mapapatay. At alam ko rin na ginawa niya ang organisasyong Cardinal Sinner dahil sa isang layunin." Wika ko.

Ang Cardinal Sinner ay isang organisasyon na itinatag ni Tito Pablo. Hindi ko alam kung anong dahilan pero naparami niya ang miyembro dito at ito ang naging dahilan ng mga patayan sa lungsod. Ang Cardinal Sinner ay isang grupo na kinatatakutan noong mga panahong iyon.

"Gusto kong malaman kung bakit siya nawala dahil simula noong nangyari 'yun, tumigil na rin ang operation ng Cardinal Sinner." Dagdag ko.

"Ikaw 'yung bata na lagi kong naabutan sa bahay niya noong araw." Masinsinan niya akong tiningnan.

Nakita niya na pala ako dati?

At siya 'yung malaking mama na laging bumibisita kay Tito Pablo dati? Iyong nakasuot ng uniporme na pang-sundalo? Natatandaan ko pang natatakot ako sa kanya kasi may dala siyang malaking baril.

Ang laki na ng pinagbago niya ngayon. Sobrang matipuno siya dati. Ano kayang nangyari sa buhay niya?

"Opo, ako nga siguro 'yon." Mabilis na sagot ko.

Nakaramdam ako ng kaunting saya sa nasaksihan ko. Hindi ko alam kung ano ang mga pinagdaanan ni Commissioner pero sa tingin ko ay kinaya niya lahat ng mga nangyari. Napa-isip tuloy ako kung kinukutya rin siya ng mga tao noon dahil kapatid niya si Tito Pablo. Hindi lang siya malakas sa pangangatawan, malakas din ang loob niya sa mga pagsubok.

"Ilihim mo lang 'yung gagawin mong pag-iimbestiga sa kaso ni Pablo." Tahimik niyang banggit. "Welcome sa bago mong team!" Masayang bati niya sa'kin at siya ay nakipagkamay.

"Sir, thank you, sir!" Sabi ko saka ako sumaludo.

[Knock knock!] 

"Come in!" Sigaw ni Tito Frank.

"Sir!"

May pumasok na babae at sumaludo kay tito. Hindi ko maipagkakailang maganda siya, kaso mukhang hindi kami bati.

"Tamang-tama ang dating mo. Meet Luckey, bago nating Profiler." Pagpapakilala sa'kin.

Tiningnan niya ako nang maigi, mula ulo hanggang paa. Hinuhusgahan niya kaya ako? Gwapo naman ako ah. Ang sama makatingin, parang kakainin ako.

Biro lang.

"Luckey? Hindi ba't si Lance ang ipapadala rito?" Tanong ng babae.

"I don't know. Nagbago ata isip ni Albert. Kailangan daw si Lance sa team nila. May pinaghahandaan atang undercover missions." Sagot ni tito.

"High caliber ba 'to?" Tanong ulit ng babae. Ang taas naman ata ng standards niya para lang sa Violent Crimes Unit. Kaya nga sila nangailangan ng Criminal Profiler kasi 'di nila kaya na sila-sila lang.

High Caliber naman ako - ako nga lang din ang nakaka-alam. Mukhang 'di kami magkakasundo nitong babaeng 'to.

"Oo naman, mataas win rate niyan." Sagot ni tito. Pinagtatakpan pa talaga ako.

"Pwede bang makita 'yung record niya?" Pakiusap ng babae.

"Natapunan ko ng kape, papakita ko sa'yo sa susunod." Katwiran ni tito saka kumindat sa'kin. "Ano pang inaantay mo Karma? Ipakita mo na sa kanya ang opisina niyo."

Kaya naman pala. Karma pala 'yung name. Pangalan pa lang 'di na kami magkakasundo eh.

Luckey at Karma, HAHAHAHA!

"Follow me," sabi niya saka umalis.

Sumaludo muna ako kay tito bago lumabas ng opisina. Paglabas ko, nakita kong ang layo niya na agad. Ano ba 'tong babaeng 'to!

"Teka!" Sigaw ko. Agad ko siyang hinabol, buti naman at naabutan ko siya sa hagdan. Pag-akyat namin sa 2nd Floor hindi ko napansin ang basang sahig kaya nadulas ako. May nagma-mop palang Janitor do'n, hindi man lang sinabi ni Karma.

"Lampa," bulong niya.

"Ano?" Nag-pagpag ako ng dumi sa damit ko.

"Sabi ko bilisan mo, napakabagal eh. Pagong ka ba?" Pagsusungit niya.

Malapit na akong mapikon dito, nakakainis.

Dumating kami sa isang maganda, malinis, mabango (parang ako), at malaking kwarto na may malawak na interior. Sa loob ng kwartong ito ay may dalawa pang maliit na kwarto. Ang isa ay may nakasulat na Captain's Office sa pinto nito habang ang isa nama'y mayroong Intelligence Office.

Ayos, may sarili akong opisina, ang astig naman.

"Ito 'yung akin, sa kabila 'yung sa'yo." Pagpapaliwanag niya. Itinuro niya rin ang mga desk, "Sa mga kasama natin 'to. Ipapakilala kita mamaya sa kanila."

"Team Leader ka namin?" Tanong ko nang may pangmamaliit. Syempre kailangan kong gumanti, ginanun-ganon ba naman ako kanina.

"YES," kumpyansa niyang sagot. Du'n lang ako nalugi. "I'm Police Captain Karina Margarette Reagar, Team Leader ng Violent Crimes Unit. Bukod sa akin, may isa ka pang senior na makaka-trabaho. Siya ang ating Deputy Chief na may hawak sa Patrol at Detective Division. Ipapakilala ko sa'yo mamaya si Papa." Ani niya.

Hindi niya man lang pinansin 'yung asar ko. Pero wait, naasar ba talaga siya? Baliw ka talaga Luckey.

"Ano 'yung Karma?" Tanong ko.

"Mamatay ka sa kakaisip," sambit niya.

Baka kaya Karma kasi lagi siyang kina-karma. Ba't ako Luckey? Eh hindi naman ako sinuswerte.

"Okay lang kahit hindi mo sabihin." Banggit ko.

"Annoying," bulong niya na may pagtataray.

Napansin kong may mga pangalan 'yung desk dito; Mike, Derek, at Daniel. Si Karma lang pala 'yung babae sa'min.

Biglang tumunog ang walkie talkie ni Karma. Hindi naman siya ganun kalayo kaya rinig na rinig ko 'yung pinag-uusapan nila.

Karma: This is Violent Crimes Unit 2.
Radio: We need back-up. Black sedan - beating the red light.
Karma: Bingi ka ba?! VCU 'to. Nasa maling frequency ka!

Hala! Masungit pala siya sa lahat. Akala ko sa'kin lang.

Radio: Kinulang kami sa Dispatch, kailangan namin ng tulong.
Karma: Emergency Call Center ba 'to?
Radio: Yes!
Karma: Make sure na hindi 'yan mawawala sa paningin niyo. Nandiyan na kami within 10 minutes.

Nakita ko siyang naghanda at akmang aalis. "Saan ka pupunta?" Tanong ko. Binato niya ako ng susi, "Get ready." Agad kong binuksan ang office para ilagay ang mga gamit ko at magsuot ng vest saka sumunod sa kanya.

Nakalabas na kami sa istasyon at tanging mga motorsiklo lang ang nandito.

"Marunong ka ba mag-motor?" Tanong ni Karma.

"Oo," sagot ko at kami ay sumakay na at umalis.

'Isang nakakabinging katahimikan ang bumabalot sa malalim na gabi. Ang mga pangunahing kalsada ay malinis na dahil wala nang gaanong dumadaang sasakyan. Ang mga ilaw ng mga buildings sa iba't ibang kumpanya ay nakapatay na rin dahil ang mga tao ay nagsi-uwian na.'

"Ihinto niyo na po ang sasakyan. Inuulit ko, ihinto niyo na ho ang sasakyan!"

'Umalingawngaw ang ingay ng malakas na sirena. Binulabog nito ang buong siyudad. May isang hindi nakikilalang lalaki ang nahuling humaharurot sa bilis na hindi akma sa speed limitations ng kalsada. Maging ang traffic lights ay hindi nito sinusunod.'

Hinahabol namin ngayon ang isang sasakyan kasama ang Patrol Division na sakay ng Police Mobile. Kami naman ni Karma ay chill lang sa pagmomotor.

Nagawa mo pang mag-chill ah.

Hindi nakikinig sa amin ang driver ng itim na sasakyan, bagkus ay lalo niya pang binibilisan ang pagda-drive nito. Nilalabas pa niya ang ulo niya sa bintana habang humahalakhak na parang nakikipag-asaran at nakikipaglaro ng habulan sa'min.

Bwisit na 'to! Dinilaan pa kami at pinakyuhan. Lagot ka sa'kin mamaya! Ay hindi pala. Lagot ka kay Karma mamaya, literal.

Nagulat kaming lahat nang marinig namin ang isang pagputok na galing sa gulong ng sasakyan na hinahabol namin. Bumagal ang takbo nito at nagpagewang-gewang hanggang sa ito ay tumigil. Dahil dito, ang driver ng sasakyan ay wala nang takas sa'min. Ikinatuwa ko ang pangyayaring ito.

Oops! May kinarma.

"Baba," mahinahong saad ni Karma habang kina-katok ang salaming bintana ng sasakyan. Nagmatigas pa ang Driver at hindi muna siya bumaba hanggang sa...

Kinuha ni Karma ang dalang arnis ng isa sa Patrol Division. Hinampas nito ang windshield ng sasakyan pati na rin ang salamin sa pinto nito. Hindi ito nabasag pero nagkaroon ng mga kaunting crack.

As expected, napilitang bumaba 'yung driver dahil sa takot. Halata sa binti niya 'yung panginginig.

Paglabas na paglabas niya sa sasakyan ay bumungad sa mukha niya ang sampal galing sa kamay ni Karma. "Gago ka! May pupuntahan pa kaming crime scene, kung saan-saan mo kami pinaghabol!"

Ako 'yung kinabahan para sa driver eh. Binaling ko na lang tuloy ang atensyon ko sa sasakyan. Maganda sana siya kaso ang pangit ng kalooban.

Iyong sasakyan ah, hindi si Karma.

"Sorry po!" Narinig ko ang agarang paghingi ng pasensya ng driver.

Habang nagmamasid sa paligid ng sasakyan ay may nakita akong something na nakabaon sa gulong nito. Pinilit ko itong kunin pero masyadong mahigpit ang pagkakasiksik nito sa gulong. Nakuha ko naman ito sa pangatlong hatak at nagulat ako dahil isa itong...

"Baraha! May baraha dito na gawa sa manipis pero mabigat na yero." Wika ko sa kanila.

"Baraha? Paano magka-karoon ng ganyan sa gulong?" Tanong ni Karma.

"Aba malay ko. Ang tulis nga eh." Ani ko saka ipinakita ang baraha.

"Ace of Spades," bulong ni Karma.

"Imposibleng mabutas ang gulong kung ang barahang ito ay nasa sahig lang. Maliban na lang kung nakabaon din ito sa lupa o semento na nakalabas ang talim." Sambit ko sa kanya.

Kaya't tumingin-tingin ako sa paligid kung may kahina-hinala bang tao. Ganun din si Karma, pero wala kaming nakita.

"Sinasabi mo bang may naghagis niyan?" Tanong ni Karma.

"Hindi ko sinasabing may naghagis niyan. Ang sinasabi ko lang, hindi 'yan babaon kung simple lang itong madadaanan. Mataas ang porsyentong may naghagis, katulad ng iniisip mo. Kung sino man siya, he must be a mercenary. After all, it's just me and my speculation against the world." Mayabang kong banggit sa kanya.

Tinitigan ng mabuti ni Karma ang barahang hawak ko at kinuha iyon. Kiniskis niya ang kamay niya dito at naramdaman na wala nga itong gaanong dumi.

"Kung matagal na 'tong nasa kalsada, dapat ay maalikabok na rin ito." Bulong niya na parang pinagkakatiwalaan ang mga sinabi ko.

"Dalhin niyo na 'to sa presinto. Paki-lagay na rin ng ebidensyang ito sa opisina ng Violent Crimes. Pasabi kay Commander David na ako na mag-iinterogate sa driver." Utos ni Karma sa Dispatch at Patrol.

"Ma'am, yes ma'am!" Saludo ng lahat.

"Pumunta na tayo sa crime scene. May ipapakita kami sa'yo." Mutawi ni Karma.

"Kaya mo naman palang makipag-usap ng maayos, susungitan mo pa ako kanina." Sabi ko sa kanya.

"Trabaho lang," saad niya.