Vigilante

CHAPTER 12: FOG

Yumayao na mahal sa buhay,
Huwag hayaang makatulog.
Kumbinsihin na manatili,
Kahit malapit nang mahulog.

Naghihingalo na sa sakit,
Marami ang pinagdaanan.
Akmang susuko, hindi pwede,
Marami ang maiiwanan.

Ang ala-ala ay bumabalik,
Kasiyahan ay nagpaparamdam.
Katotohanan ay humahagupit,
Kalungkutan ay nangingialam.

Mahirap man na bitawan,
Nakasanayan nating kasama.
Pagpahingahin na sa kapayapaan,
Hangga't may oras, mamaalam na.

-Mr. Pride

Ilustrado Unibersidad

[3:30pm]

"Marumal? Nililigtas lang ni Leon si Alex."

Pinilit ko ang sarili ko na maniwala sa kanilang tatlo pero 'di talaga kaya ng konsensya ko.

"Ahuh, akala mo siguro sinasakal ni Boss si Alex. Te, sini-cpr niya lang 'yung tao, nagpapakamatay kasi." Sabi ni Kregga.

I don't get it. Nagpapakamatay? Si Alex?

Pero parang tama si Kregga, nililigtas lang ni Leon si Alex kanina.

The moment na umakyat ako sa second floor, taas-baba 'yung braso ni Leon. Kung matino ka pa namang tao, hindi ka mananakal ng ganoon.

Ano 'yun, sakal-hinga, sakal-hinga? Ang bobo mo talaga Daisy.

Bakit kasi hindi sila tumawag ng medic? Kahina-hinala pa rin sila tingnan. Unang-una sa lahat, hindi alam ni Alex ang lugar na 'to. Kailangan pang lumusot sa dalawang bakod para makapunta dito. Aakalain ng mga estudyante na hindi na 'to sakop ng school.

Paano makakapunta si Alex dito? Bakit siya magpapakamatay eh ang yaman yaman niya.

"Kung iniisip mo na dapat tumawag kami ng tao sa clinic, sinadya namin 'yon dahil sa isang bagay." Banggit ni Danica.

"Ako, ikaw, si Rhivanni, si Yehnah, si Kregga, at si Reagar lang ang nakakaalam ng lugar na 'to. Kapag sinabi mo sa Clinic na may nagpakamatay dito, sa tingin mo maniniwala sila? Hindi, kasi ang lugar na 'to ay matagal nang hindi pinupuntahan."

"Maraming kaibigan si Alex at kapag tinanong mo 'yun ng isa-isa kung alam ba nila ang lugar na 'to, ang isasagot nila ay hindi. Yun ang pagbabasehan ng mga tao na ang taong ito ay hindi nagpakamatay, kundi ay pinatay."

"Kapag nalaman ng pamilya ni Alex ang nangyari, maghihiganti sila sa'kin dahil ako ang pinag-iinitan ni Alex ngayon. Ang Ama niya ay Chairman ng LB Furnitures, isang makapangyarihan."

"Kung iniisip mo na papatayin ko 'tong batang ito, nagkakamali ka. Bakit ko naman 'to papatayin? Natalo na ba ako nito sa suntukan? Hindi naman. Kung may papatay sa lalaking 'to, panigurado, isa siya sa mga talunang nabiktima ng pambu-bully." Wika ni Leon.