ဒေါက် ဒေါက် ဒေါက် !!!
" ခါးရေ...... ခါး.... "
သူတံခါးခေါက်ကာခေါ်သံပြုလိုက်ပေမယ့်အထဲကတုံ့ပြန်မှုမရှိတာကြောင့် ဘောင်းဘီအိတ်ထဲကဖုန်းလေးကိုထုတ်ကာ ခေါ်လိုက်ပေမယ့် စက်ပိတ်ထားတာကြောင့် သူစိတ်ထဲထင့်ကနဲဖြစ်သွားရသည်။
ညနေက သူအလုပ်ဆင်းကာနီးတင် သူမသူ့ကို ဖုန်းဆက်ပြီး စောစောပြန်လာဖို့မှာခဲ့သေးတာမဟုတ်လား.... ဘာကြောင့် အဆက်အသွယ်မရပဲ ပျောက်နေရတာလဲ....
" ကိစ္စတစ်ခုခုရှိလို့များ အပြင်ထွက်သွားတာလား...... "
ခေါင်းကိုကုတ်ကာ ခပ်တိုးတိုးရေရွတ်ပြီး သူအောက်ထပ်ပြန်ဆင်းလာခဲ့လိုက်တော့သည်။
" ဟူး.. "
မတင်မကျစိတ်နဲ့ပဲ ရေမိုးချိုးအဝတ်လဲပြီး ပြန်ထွက်လာရင်း တံခါးမပိတ်သေးပဲ ဆေးခန်းထဲဝင်ထိုင်နေရင်း လမ်းမဆီကိုငေးကြောင်ကြည့်နေမိသည်။
မိနစ်ပိုင်းခြား တစ်ခါသူခေါ်နေတဲ့ခါးဖုန်းလေးကလဲ တောက်လျောက်ပိတ်ထားတာမို့ အချိန်ပိုကြာလာလေလေ သူ့စိတ်ထဲမှာစိုးရိမ်ပူပန်မှုတွေသာပိုတိုးလာခဲ့ရတော့သည်။
" မဖြစ်သေးပါ ဘူး...."
အိမ်နေရင်းအဝတ်အစားနဲ့ပဲ သူဖုန်းလေးနဲ့ပိုက်ဆံအိတ်လေးဆွဲယူကာ တံခါးပိတ်ပြီးအိမ်ထဲကပြေးထွက်လာခဲ့လိုက်မိတော့သည်။
>>>>>>>>>>>
ဒုန်း ဒုန်း ဒုန်း !!!
" အန်တီမိုးရေ..... ဗျို့ အန်တီမိုး.... အန်တီမိုးရေ..... "
" ဟဲ့ ဘယ်သူတုန်း..... "
" အန်တီမိုး ကျွန်တော်က ဟိုလမ်းထောင့်တိုက်က အိမ်ငှားပါ ဘေးကဆေးခန်းကပါ......"
" သြော် ဒေါက်တာလူလေးပါလား...... လာလေ လာလာ ဘာများဖြစ်လို့တုန်း အမောတကြီး...."
" ဟို... ခါးနဲ့အဆက်အသွယ်မရလို့ပါ အန်တီမိုး..... လူလဲရှာမတွေ့ဘူး ဖုန်းလဲဆက်မရဘူး...သူပြန်လာမလားစောင့်နေတာလဲ အခုအချိန်ထိပြန်မလာသေးဘူး အန်တီမိုး...."
" ဟယ် ဟုတ်လား..... ဒါပေမယ့် ကလေးမက သူ့အလုပ်တွေဘာတွေများသွားနေသလားကွယ်.... အမိုးတို့ရပ်ကွက်ထဲတော့ မဟုတ်တာလုပ်မယ့်သူမရှိဘူးရယ်..."
YOU ARE READING
တိတ်တခိုး ( Ongoing )
Romanceတစ်ဘဝလုံး မေ့ပျောက်မရအောင် တသသဖြစ်နေခဲ့ရတာ သူက အချစ်ဦးမို့လား မဟုတ်ရင် ကျွန်မအချစ်က တိတ်တခိုး မို့လို့လား..... နှင်းခါးဝိုင် တစ်စုံတစ်ယောက်ရဲ့နှလုံးသားထဲမှာ ကျွန်တော်မသိလိုက်တဲ့အချိန်ကတည်းက ကျွန်တော်ရှ်ိနေခဲ့တယ်ဆိုတာ ဘယ်လောက်အံ့သြစရာကောင်းလိုက်သလဲ...
