مابعد الذنوب

البارت الثاني

<مابعد الذنوب>

البارت الثاني،

#سجى_المالكي

"يم شِامتهُا حسِيت نخطِف لوني"

بيت داوود،

دخل للبيت وهو عاقد حاجبه
البيت مليان صياح اطفال و نسوان
صاح صيحه خلا البيت كله يسكت،

بعصبيه-دكولوا ك** ابن ك** راجع من دوامه وتعبان وهلكان

اجت امه-ها يمه الله يساعدك

-يمه شنو هاي الهوسه وشعدها مره ابوي عدنه

ردت مره ابو،-هاا ولك همام شنو ماتريدني اجي ،
مثلما هذا بيت ابوك وجدك هم بيت زوجي وعيالي

-دكضبي احفادج هو ابوي زين ومتحملج

ضحكت امه ،

مره ابوه اغتاضت وكامت صاحت ابنها الجبير منصور وشكتله عن همام

طب منصور عصبي -همام شلون هيج تحجي ويا امي

-دخذ امك ورحوا لبيتكم يلا خليني ارتاح

-شو انت ماتحترم

-واحترمك شنو هو انت فد قن-دره حتى احترمك يلا دعبل واخذ امك واخواتك وروحوا

اغتاض منصور لان فشله كدام الجناين والبنات بسرعه كضب همام من ياخته

-دحك همام صح انت اكبر مني ،
بس خل يكون بعلمك بنعال ادوس عل راسك اذا ماجريت عدل

همام ضربه كله براسه وكعه بالارض ونام فوكا ضربه بوكس
-النعال هذا تحجي عليه خلي بحلكك

ضل يتكاون ويا منصور الى ان اجا جدهم داود وعاط بيهم
وكفوا ثنينهن واحد يخزر بلاخ،

داود-شبيكم شنهو شجرالكم

منصور-تراضاها ياجدي همام يطرد امي

التفت لهمام-صكد هذا الحجي يو لا

-جدي انا ماطردتها بس بسبب العويريصه(الهوسه)
واني جاي من المركز تعبان عطت بيهم

ام منصور-فلك طرك يهمام ولك خوما باذني وكدام الكل طردتني وكلت لامك شعدها مره ابوي عدنا ولك حتى ماكلت خالتي

همام-ممجبور اتحملج واتحمل جنتج واحفادج وانا البيه مكفيني

التفت مشى صعد الدرج وكفه صوت جده،

-لك همام شنو هذا اسلوبك ويا مره ابوك

التفت -هذا اسلوبي وهذا طبعي وماغيره

عافهم وصعد لغرفته وهم مغتاضين
وداود رزل ام همام عل اسلوبه ويا الكل ومامحترم لاجبير ولا صغير،

همام،
نزعت بدلتي العسكريه وتمددت عل ظهري تعبان ومابيه ارمش عيني،
غطيت بنومتي ماكعدت الا عل صوت اذان الفجر،