<مابعد الذنوب>
البارت الـ30
للكاتبة سجى المالكي
لاتنسوا التصويت ومتابعة الحساب ومتابعة الروايات السابقه.
_________________
شغف،
اجت الشرطيه جرتني من ايدي واني ابجي واستنجد باهلي يساعدوني،
صحت-بريئه والله ممسويه شي ليش تاخذوني
زمخ ضابط خلاني اخرس،
صعدوني بسياره وابويه وكع بالكاع تخبلت
عطت-بااابااا بابا راح يموت خلوني اروحله
حركوا سياره بسرعه واني ملخت روحي وعيوني عل ابويه من الجامه،
وصلوني للمركز واني بالي يم ابويه حتى نسيت جيتي لهنا او شنو السبب الاخذوني بي؟
دخلوني لمكتب ضابط ماركزت بكلامهم عافوني وطلعوا
كعدت ابجي وخايفه واهمس باسم بابا،
فجاه نفتح الباب بسرعه كمت واشوف همام كبالي
انصدم -شغف؟ولجج انتِ شنو يوميا بالمركز
بجيت-هُمام ساعدني ماعرف ليش اخذوني ابويه راح يموت فدوه خليني اروح
تقدم نحوي وكال-بس اهدئي وخل نتفاهم بلا كعدي وشربي مي وجهج احمر راح تخنتكين
كعدت والشهكه بصدري،
قدملي مي-هاج شربي محلولة ان شاءالله
اخذت الكلاص وايدي ترجف
شربت شويه وحاولت اهدأ نفسي،
تنهد وكال-شغف انتِ متهمة بخطف
شهكت-والله مخاطفه احد
-اكو طالبه انتِ درسيها صاير خلاف بينكم وهي ثاني يوم مختفيه والمديره واهل الطالبه قدموا بلاغ انتِ الخاطفتها
صفنت معقوله آمنه مخطوفه زين اني شعليّ بخطفها،
دنكت ابجي بضعف وقله حيله،
همام تنهدت ورجعت راسي عل كرسي -ادري شغف صرتج ذبوها هين بالمركز كل مره بمشكله
بين شهكاتي كلت-شسوي اذا حظي هيج مره اجي بصفتي بنت ليل ومره اجي بصفتي ابيع مخدرات وهس بسبب خطف
-بس كافي يمصكوعه عيونج راحن من البجي
حجيت بغصه -هُمام ابويه راح يموت
حاولت الطف الجو كلت بشقه-خل يموت حتى ازوجج ومحد يوكف بطريقنا
رفعت راسي اباوعله مصدومه كلت -شكد خبيث تتمنى ابويه يموت بسبب انانيتك يانذل تدعي عل ابويه
انتبهت لروحي اني شگلت
عضيت شفتي فشلان،
-شغف اسف ماجان قصدي كلتها بشقه ماتمنى لابوج الاذيه صدكيني
أنت تقرأ
مابعد الذنوب
Romanceمشهد، هسه انت شكو شعليك بيها -لان البنية عفيفة عيب عليك تسوي بيها هيج ابتسمت بمكر-مبين عرفتني شراح اسوي -اي طبعا دارسك درس ،بس فدوة لعينك لاتسويها هاي علوية جدها محمد وبخيته والله تطيح حظك ببختها باستهزاء-وانتَ مصدك السادة والعلويات عدهم بخت؟! خزره...
