مابعد الذنوب

البارت 13

<مابعد الذنوب>

البارت 13

للكاتبه سجى المالكي
^^^^^^^^^
فكيَف أتُوب في عَيناك عُشقاً وَربك فِي غرامَك قد بلانِي .

--------
كاعده عل كرسي وراسي عل ميز،
عبايتي عل جتافي
حجابي مفتوح،
دموعي تنزل بهدوء وصافنه،

دخل للغرفه وبيده علاكه،

حمحم واني فزيت عدلت عبايتي ،

همام-شلونج

تنهدت-شلوني يعني

كعد وخلى العلاكه يمي
اردف-هاي لفات وعصير اكلي وجهج اصفر

-ماشتهي

بحده-شغف بلا عناد

دمعن عيوني -اريد اهلي

تنهد -حققت وحاولت ماكو دليل يثبت داليا الخلت المخدرات بجنطتج

بجيت-بس والله معليّ اني بريئه

همام-كافي بجي اكلي وعوفي هذا الموضوع

عكدت حاجبي-شو انت فرحان والدنيا سعيده عندك

ضحك-لعد ادك والطم شبيج بابا الامور ماتنحل بالضوجه والبجي

-هُمام طلعني ماكدر ابقى هنا

-اخخ لو اني نقيب لو عميد جان كبل طلعتج

رجعت راسي للميز وخليت وجهي بين اديه  وابجي

تنهد-شغف كافي

همست بين شهكاتي -اريد امي

-هسه اجيبها

ظليت ابجي
وهو يتصفح موبايله ويباوعلهاا اخر شي كام،

همام-اكو حل

رفعت راسي بسرعه-شنو هو

تنهد يفرك وجهه محتار ومتردد يكوله،

عطت-هُمام احجي لاتظل ساكت

-بس هو صعب وماعتقد تكدرين تدبريها

-هسه دكول لا تسدها بوجهي

-اكدر اهربج منا واوديج للانبار لان مايصير تبقين بغداد وتداومين بالكليه طبيعي

-واهلي شلون؟

-هنا المشكله، اهلج مالازم يبقون هنا لان الشرطه راح توصلهم

بجيت واني الطم وراسي للسما -ضاكت الدنيا بيه ياعلي دخيلك ساعدني ياعلي مدد

-اهووو شغلتج بس بجي دسكتي عاد

-هو هذا هم حل

همام-مال تطلعين منا انسيها واحتمال باجر يخلوج بالسجن مو بغرفه التحقيق

بتوسل -همام فدوه انقذني

ظل يفتر بالغرفه،
التفت-شوفي شغف اني راح احاول احقق بعد واتمنى الكى حل