<مابعد الذنوب>
البارت الـ39
للكاتبة سجى المالكي،
لاتنسوا تصويت للبارت ومتابعة للحساب،
اللهم صل على محمد وال محمد،
°°°°°°°°°°°°°°°°°°°°
بالمستشفى،
شغف،
كاعدة ابجي وخايفة
وعصام خازرني هو وخالتي وعل ساعة يعيطون بيه،
طلعت الدكتورة وبشرتهم رحاب بخير وابنها كذلك لكن الحمل مهدد للاسقاط،
تقدم عصام نحوي وكال بتهديد،
-ياشغف اليوم عدت سلامات اذا شفتج تتقربين لرحاب بنية تأذين ابني انهيج
بجيت-والله ماجان قصدي ادفعها
عاط-كاافي لاتسمعيني صوتج
دنكت راسي و اديه بوجهي واشهك احس صدري اختنك ونسنحت روحي
كمت اركض وعيوني مغوشه التفت اريد اوصل للحمام احس الطريق بعيد واساسا ماندل،
وصلت للحمام وبسرعه تقيات وهم تقيأت دم كمت ابجي بالزايد واضرب عالمغسله بقوة واناجي الله يساعدني،
احس روحي ماكدر اشيلها
كعدت بالكاع ابجي وكلام اهلي ولومهم بأذني واني منا صايرة حساسة زيادة وابجي عل كلشي ومنا تقيء البي دم ماعرف شنو وضعه،
كمت غسلت وجهي وتنهدت وطلعت
لاكاني عصام عيونه تراقب وجهي،
-بيج شي؟
هزيت راسي بنفي،
جر نفس-مو قصدي اعيط بيج بس ابني اجيت افقده هسى اذا عل رحاب مو مهم بس ابني هذا قطعة من روحي
همست-ماردت ادفعها عن قصد وصارت بعد
-خاف ضوجتج اني اسف
-ولا يهمك اني اساسا غلطت
باوعلي وسكت،
عفته ومشيت رحت يم امي وكلت،
-ماما خلينا نرجع تعبت
-ياامي عيب من خالتج وابنها عاد خل نتحمد لرحاب عل سلامتها وسلامة ابنها قبل لانروح
بتعب:-كُلش تعبت ماكدر ابقى بعد
باوعتلي وشهكت-لج شغف وجهج اصفر ليش؟
-تعبانة ونعسانة اريد انام
-دروحي كعدي هناك هسى اترخص من خالتج
هزيت راسي وكعدت ليغاد منهم، اجت امي وطلعنا ومسلم وصلنا للبيت،
طبيت لغرفتي تفكير شغل بالي ليش اتقيء دم بعد تفكير ماتوصلت لنتيجة
كلت انام احسلي و نمت ،
مرت الايام ومرات اتقيأ دم ومحد عرف حتى هُمام،
اليوم حنتي
رحت اني وهدى ورحمة للصالون
لبست بدلة لونها جويتي منفوشه وكلش نازكة،
وسويت تسريحة رفع كل شعري،
أنت تقرأ
مابعد الذنوب
Romanceمشهد، هسه انت شكو شعليك بيها -لان البنية عفيفة عيب عليك تسوي بيها هيج ابتسمت بمكر-مبين عرفتني شراح اسوي -اي طبعا دارسك درس ،بس فدوة لعينك لاتسويها هاي علوية جدها محمد وبخيته والله تطيح حظك ببختها باستهزاء-وانتَ مصدك السادة والعلويات عدهم بخت؟! خزره...
