مابعد الذنوب

البارت الخامس

<مابعد الذنوب>

البارت الخامس

تصويت +متابعه للحساب
__________

شغف،
كنت داتمشى بالكليه
وذهني شارد بسالفه عصام
والبنيه صديقته،

صارت داليا بوجهي،
غيرت طريقي حتى لايصير نقاش بينا،

داليا-اريد احجي وياج

التفت-ماعندي كلام وياج ورجاءً ابتعدي عني

-مانطول بالكلام

تنهدت ساكته ومشيت وياها كعدنه عل مصطبه،

داليا-شوفي شغف اني احب يوسف وهو يحبني وانتِ علويه ومخطوبه عيب عليج تلاحكين شخص مرتبط وانتِ كذلك

عكدت حاجبي-شهل كلام داليا اني شوكت لاحكه يوسف ترى هو اللي لاحكني وين ماروح الگى بوجهي

-شوفي حبي الرجال مايلطش بمره الا هي نطته مجال

-مو شرط اكو بيهم بلا كرامه ويلطشون

نترت-انتهبي لكلامج قصدج يوسف بلا كرامه

-لعد شنو تفسرين تصرفاته؟

-هو يجوز حب يكون صديقج، بكل الاحوال ابتعدي عن يوسف لايصير شي مايعجبج

نترت-شيصير خل يصير بيج خير روحي ليوسف خبري بهل كلام مو جايه تهددين

عفتها وكمت واني استغفر ربي شلون تفكير عدهاا،

كملت محاضراتي ورجعت للبيت ومر اليوم عادي،

همام..
بعد مرور كم يوم نقلوني لبغداد بمهمه لمده شهر بقيت هناك
والقضايا خير من الله،

شغف،
بيوم رجعت من الكليه وجان يوكفون بطريقي ثنين شباب مبينين سكرانين خفت وردت ارجع لزمني واحد منهم،

-وين يحلوه خلينا نحجي

تتراجف-عوفني لااصيح

بعدني مامكمله كلامي
سد حلكي وصعدني بسياره
واني اتراجف والخوف سيطر عليا اريد اصيح ماكدر ساد حلكي،

اخذني مكان خالي من الناس
ودوني لمخزن شمروني بالارض

بجيت-الله يخليكم عوفوني
علويه وعدي بخت
الله يخليكم لاتاذوني

ضحكوا وجانوا ماسكرانين لكن طلعوا يمثلون،

حجه واحد منهم،

-اليوم راح نتونس بيج، افيش مبينا ممزوجه

لميت روحي بزاويه
واناشغ-علويه وجدي محمد لاتاذوني عدي بخت وحوبه عوفوني فدوه لاتاذوني

ضحكوا واني زادت شهكاتي
وارتفع صوتي بالبجي،

تقرب مني واحد وجر العباه مني
واني اصرخ واريد احد ينقذني