<مابعد الذنوب>
البارت الـ33
للكاتبة سجى المالكي،
تصويت ومتابعة للحساب لطفاً
اللهم صل عل محمد وال محمد،
°°°°°°°°°°°°°°°°
شغف،
جنت كاعدة ابجي خايفة من اليصار وتصرف وسام صدمني وقهرني
دخل هُمام مُبتسم ويغني،
-وهذا لعبنا ولا تكول استهار
فرحنا واليحبنا يفرح ويانه
رفعت راسي اباوعله مصدومه هو يضحك ويهز ويغني
-الليله حفله وللصبح خل تسمع الشماته
والگلب مليان بفرح خل تسمع الشماته
عطت-شبيككك هُمام تخبلت
ضحك وجرني من ايدي صرت يمه وهو يركص ويميل ايدي ويركصني بقيت مصدومه،
صاح-يمصكوعه ركصي وفرحي لا تبوزين
عطت-وخر مني انت اكيد تخبلت ماكو غيرها وخررر عوووفني
-لج قبضنا عل قاتل آمنة
وسعت عيوني مصدومه،
ضحك-واعترف بجريمته وانتِ حره وبريئه
ضحكت ودموعي لالت بعيوني،
خزرني-اهوو ام دميعه راح تبجي خل اشغل ردح
-لا حرام
-ياحرام اليوم من فرحتي بدي نزوج
اختفت ابتسامتي ودنكت،
ماهتم لكلامي شغل بموبايله ردح وبقى يهز ويركص وركصه حلو،
نترت-طفي ترى حرام
-خل اشغل جوبي ونركص
باوعتله بطرف عيني -ماريد
-يمصكوعه خلينا نفرح مو صارلنا ايام نبجي بوجه الله
ابتسمت عل طريقه كلامه،
راد يشغل اغنيه ويركص جوبي بس ندك الباب،
تافف-كله صوجج يعلويتي
سكتت وهو فتح الباب وراح ويا الحارس،
بقيت صافنه وابتسم معقوله نحل كلشي وخلص راح اطلع منا واشوف اهلي،
رفعت راسي للسما اشكر الله،
بعدها سجدت ابجي واضحك واشكر الله واهل البيت،
بقيت افتر بالغرفه متوترة ومنتظرة هُمام يجي يطلعني،
لهناك اجى دخل شافني
عض شفته مُبتسم وغمزلي
خجلت ودنكت،
تقدم نحوي وكال -صح الايام المرن جنت مقهور لان مُتهمه بس جنت فرحان لان اشوفج كبالي وهسى فرحان وضايج لان راح تعوفيني
أنت تقرأ
مابعد الذنوب
Romantiekمشهد، هسه انت شكو شعليك بيها -لان البنية عفيفة عيب عليك تسوي بيها هيج ابتسمت بمكر-مبين عرفتني شراح اسوي -اي طبعا دارسك درس ،بس فدوة لعينك لاتسويها هاي علوية جدها محمد وبخيته والله تطيح حظك ببختها باستهزاء-وانتَ مصدك السادة والعلويات عدهم بخت؟! خزره...
