<مابعد الذنوب>
البارت الـ18
للكاتبه سجى المالكي
ممبري الينسبها لاسمه،
^^^^^^
شغف
صحت امي واني واكفه بزاويه الغرفه صافنه واتذكر كلمات الممرض
حجت بتعب-ها شغف صدك ابن اختج مات
نزلت دموعي واني اكتم شهكاتي هزيت راسي
هاي اول مره يموت طفل كدامي وقريب عليّ كوني خالته
شحال رحمه من تعرف!!
طلعت امي من الغرفه تمشي بتعب واني ساندتها،
طبينا غرفه رحمه لكيناها تقرا دعاء بكتاب،
باوعت النا وابتسمت-وين عفتوني صدك تحجون
سكتنا وامي كعدت يمها تلعب بشعرها ودموعها بعيونها،
عكدت حاجبها-شنو ماما ليش تبجين
باست راسها وهي ساكته،
رحمه بتعلثم-احجي ماما ابني شبي
بجت امي واني بجيت،
فزت رحمه من مكانها تباوع علينا فجأه ضحكت بهستريه ماتحملت حضنتها وكمت اناشغ،
هي مستمره ضحك واني زادن شهكاتي وگلبي وجعني عليها،
دخلوا ابويه ومسلم ورياض وهدى،ورحمه بعدها تضحك بشكل جنوني،
ابتعدت عنها ولزمت وجها وكلت-كافي رحمه
ماسكتت
خفت عليها لايصيرلهت صدمه
ضربتها راشدي
باوعتلي واختفت ابتسامتها،
لزمت ايدها وهي صافنه بالارض،
بجيت-رحمه فدوه انطي رده فعل لاتبقين ساكته وتكتمين قهرج
همست بغصه-شغف ابني مات؟
ابني انتظرته سنين مات؟!!
ابني حملت بي 7 اشهر بطني وتحملت كلشي لعيونه وتالي يروح بسهوله
تحملت العلاجات وصعوبه الحمل
جهزتله بيدي الملابس والفراش
انتظرته دقيقه دقيقه علمود الزمه واشمه
مات واني مالازمته
"ابني مات قبل لايوصل لحضني "
حضنتها واني ابجي،
صرخت وشهكت بصوت فطر گلبي،
ظلت تصيح-شغغفف ابنني ماتتت شغف فدوه كولوا جذب فدوه والله ماشبعت منه فدوه جيبولي ابني شغف كوليلهم يجيبولي ابني اريد ابني شغف لج شغف بعدني حتى ماشايفته شبسرعه راح وعافني
بقيت ابجي وهي تهسترت وكامت تضرب بيه وتصرخ،
وخرني رياض منها وهو حضنها ويحاول يهدئها وهي تضرب عل صدره وتبجي،
حضنها بقوه ولزم ايدها ،
خلت راسها عل صدره وتشهك بقوه وتصيح باسم ابنها،
ماتحملت اكثر كعدت بزاويه ابجي عل بجيها،
أنت تقرأ
مابعد الذنوب
Romanceمشهد، هسه انت شكو شعليك بيها -لان البنية عفيفة عيب عليك تسوي بيها هيج ابتسمت بمكر-مبين عرفتني شراح اسوي -اي طبعا دارسك درس ،بس فدوة لعينك لاتسويها هاي علوية جدها محمد وبخيته والله تطيح حظك ببختها باستهزاء-وانتَ مصدك السادة والعلويات عدهم بخت؟! خزره...
