<مابعد الذنوب>
البارت الـ19
للكاتبه سجى المالكي،
^^^^^^
شغف
كمت-يوسف شتريد
رد بصياح -شنو شريد !! منو هذا الضابط الماخذه راحتج ويا بنص الكليه؟ شنو نزعتي ثوب المستحى
وسعت عيوني مصدومه من كلامه ومنحرجه ماحس الا هُمام ضرب يوسف وكعه عل طاوله وكال بنتر
-حرف واحد ضد شغف اكسر ضلوعك
كام يوسف مغتاظ ويمسح حلكه،
خزرني-وتبيعين شرف عليّ وانتِ
راد يكمل ضربه هُمام ودفعه للحايط يضرب بي واني اتراجف وخايفه،
فاككوهم وهُمام اجاني همس باذني-من تخلصين دوام انتظرج ورا الكليه
خزرني بعيونه الوسيعه وراح واني مصدومه من اليصار،
طلعت من الكافتريا ورحت كعدت يم البنات احاول اكون طبيعيه بس رهبه بعدها بيه وخايفه لايوسف يفضحني
رحيق،
نزلت الصبح صبحت عل الكل وكعدنا نتريك شويه ونزلت ناز تتمايل بمشيهاا وشعرها مفتوح تنهدت بغضب واني اباوع لابويه مبستم ويدحك لـناز
كعدت يمه وتوكله،
نائل-عيني مره ابوي ترا البيت اله حرمته
ناز-وشنو قابل شسويت وهيج تكول
هز راسه وابتسم بسخريه،
ناز اغتاظت التفت لابوي-شفت حبيبي جهالك من جبيرهم لصغيرهم لسانهم متر ويايه بلا هذا تصرف من ابنك الجبير استاذ نائل المحترم،
راد يحجي ابوي سكتنا صوت ام منصور وهي تصيح-بعد ايدي يانائل طبعا انا عمري ماحبيت جهال ضرتي الجبيره بس من هل لحظه اني اعلن حبي لنائل عاشت ايدك يمه ماقصرت هاي نويز رادلها تربيه
ابتسمت عل كلامها،
ناز بعصبيه-لعد شكد حقوده وتكرهيني
لزمتها من شعرها وكومتها من الكرسي بعصبيه وكالت-شوفي لج اخذتي رجلي مني مو عبالج اسكتلج لاا عيني انتِ بعدج ماتعرفين سهاد منو
عاط ابوي بيها،
صاحت-والك عين يبعد هلي ؟
لك تزوج وحده بكد جهالك جان استحيت رجلك بالگبر وحيلك حيل شاب بالعشرين
خزرها-احترمي نفسج
دفعت ناز وتقربت يمه-شوف انت تعرفني انا منو وشنو اكدر اسوي
الك مهله اسبوع طلك هاي ام شوارع
صاحت ناز-لاتغلطين لا اشك حلكج شنو ام شوارع
-هاا عجل ام زلام لو بواكه زلام
حجى جدي قبل ليحجي ابوي-دحك حكيم اخذ نسوانك وتفاهموا بهدوء غادي (هناك)
هز راسه ابوي ولزم اديهن واخذهن بالحديقه،
أنت تقرأ
مابعد الذنوب
Romanceمشهد، هسه انت شكو شعليك بيها -لان البنية عفيفة عيب عليك تسوي بيها هيج ابتسمت بمكر-مبين عرفتني شراح اسوي -اي طبعا دارسك درس ،بس فدوة لعينك لاتسويها هاي علوية جدها محمد وبخيته والله تطيح حظك ببختها باستهزاء-وانتَ مصدك السادة والعلويات عدهم بخت؟! خزره...
