<مابعد الذنوب>
البارت الــ36
للكاتبة سجى المالكي ،
ممبري الينسبها لاسمه
اللهم صل عل محمد وال محمد،
لاتنسوا تصويت للبارت ومتابعة للحساب والروايات السابقة
°°°°°°°°°°°°°°°°°°°
شغف،
اليوم مشيه النسوان ،
بعد تحضيرات وتجهيزات ساعدت امي وهدى ورحمه ،
رحت لغرفتي ولحكتني رحمه،
رحمه-شناويه تلبسين؟
زفرت-مادري محتاره
تقدمت وفتحت كنتوري واخذت نظره وجرت فستان،
التفت تعرض الفستان-شوفي هذا يجنن
كلت-لا لونه احسه محلو وميلوك لهيج مناسبه
-ليش ترى حلو
-رحمه وين حلو شوفي رصاصي بورد سمائي
-اي شبيج خل نشوف غيره
التفت تدور بالملابس وطلعت فستان لون وردي فاتح يصير كلوش واكمامه عريضه بي كمر عل المعصم وحزام عل خصر،
إبتسمت-اي هذا حلو
-لعد لبسي بسرعه حتى ارتب شعرج
اخذته منها ورحت للحمام سبحت و بدلت ،
طلعت لكيتها مطلعه الكاويه والشسوار
نشفت شعري بعدها رحمه شسورته وكوته وبرمت اطرافه وشعري هو طويل جوا خصري ولونه عل شكار،
ابتسمت رحمه-يمه تخبلين بلا مكياج
-خل اخلي بس حمره ومسكاره
-اوك، خل ارجع الشسوار والاغراض بمكانهم
اخذت الاغراض واني خليت حمره هادئه لونها تفاحي وشفتي طبيعتها منفوخه من الله فتحلى بالحمره،
خليت مسكاره وشويه كحل،
رحمه-اعتقد وصلوا داتسمعين صوت
توترت-عزاا شبسرعه
ضحكت-اهدأي مو زفتج مجرد مشية
ابتسمت وگلبي نبضاته تسارعت لعد بيوم العرس شلون؟!
راحت رحمه واني بقيت افتر متوتره وفرحانه سمعت اصوات نسوان طبن وابتعد صوتهم اعتقد دخلوا بصاله،
كعدت عل كرسي احاول اهدي روحي،
رن موبايلي هُمام يتصل
جاوبت،
بتوتر كلت -هلو
-يهلا يولو فدوه للهلو مالتج دباع الصوت يرد العافيه
ول يابه هسى گلبي استقرت نبضاته من سمعت اذني صوتج
مسحت جبيني متوتره شنو ارد
كلت بتعلثم:-شلونك
-يولو يمكن ابالغ اذا اكول اسعد انسان اليوم هو انا مامصدك راح ازوجج ماتوقعت الله ينطيني هيج نعمه
أنت تقرأ
مابعد الذنوب
Romanceمشهد، هسه انت شكو شعليك بيها -لان البنية عفيفة عيب عليك تسوي بيها هيج ابتسمت بمكر-مبين عرفتني شراح اسوي -اي طبعا دارسك درس ،بس فدوة لعينك لاتسويها هاي علوية جدها محمد وبخيته والله تطيح حظك ببختها باستهزاء-وانتَ مصدك السادة والعلويات عدهم بخت؟! خزره...
